லங்காசிறி FM
கடும் எதிர்ப்புகளை மீறி 4,300 கோடி மதிப்பு.. பிரம்மாண்ட கப்பலில் நடந்த திருமணம்
அமெரிக்க தொழிலதிபர் ஜெஃப் பெசோஸின் திருமணம் கடும் எதிர்ப்புகளை சந்தித்து நடந்துள்ளது தெரிய வந்துள்ளது.
61வது வயதில் திருமணம்
அமேசான் நிறுவனர் ஜெஃப் பெசோஸ் தனது 61வது வயதில் திருமணம் செய்தது உலகளவில் பேசுபொருளானது.
பத்திரிகையாளரான தனது 55 வயது காதலி லாரன் சான்ஸேவை, அவர் இத்தாலியின் வெனிஸ் நகரில் மணந்தார். 
ஆனால் இந்த திருமணத்தால், ஒரு வாரத்திற்கு வெனிஸ் நகரமே ஸ்தம்பிக்கும் எனக் கூறி சுற்றுச்சூழல் ஆர்வலர்கள், உள்ளூர் மக்கள் என பலரும் கடும் எதிர்ப்பு தெரிவித்தனர்.
தங்களது எதிர்ப்பை வெளிப்படுத்தும் விதமாக ஜெஃப் பெசோஸிற்கு எதிராக கருப்புக்கொடி காட்டியதுடன், அவரது உருவப்படத்தை நதியில் வீசினர். 
பொம்மை முதலைகளை வைத்துப் போராட்டம்
மேலும், வெனிஸில் உள்ள பழமையான அரண்மனையில் ஜெஃப் பெசோஸின் திருமண வரவேற்பு நிகழ்வு நடைபெற திட்டமிட்டிருந்ததால், அதனைச் சுற்றி பொம்மை முதலைகளை வைத்துப் போராட்டம் திட்டமிடப்பட்டது.
இதனை அறிந்த ஜெஃப் பெசோஸ் தரப்பு வேறு இடத்திற்கு திருமண வரவேற்பு நிகழ்வை மாற்றினர்.
வெனிஸ் நகர மேயரின் ஆதரவு இருந்ததால், தனக்கு சொந்தமான KORU என்ற 4,300 கோடி ரூபாய் மதிப்புள்ள பிரம்மாண்ட கப்பலில் (417 அடி நீளம்) ஜெஃப் பெசோஸ் திருமணத்தை நடத்தி முடித்தார்.
ரூ.430 கோடி செலவு
இதில் பில் கேட்ஸ், இவாங்கா ட்ரம்ப், நடிகை சிட்னி ஸ்வீனி, கர்தாஷியன் சகோதரிகள் உட்பட உலக பிரபலங்கள், பணக்காரர்கள் கலந்துகொண்டனர்.
ஒட்டுமொத்தமாக இந்த திருமணத்திற்கு ஜெஃப் பெசோஸ் இந்திய மதிப்பில் ரூ.430 கோடி செலவிட்டிருப்பதாக கூறப்படுகிறது.
உலகளவில் இதுதான் மிகவும் ஆடம்பரமான திருமணம் என்று கூறப்படுகிறது. ஜெஃப் பெசோஸிற்கு இது இரண்டாவது திருமணம் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
அச்சுவேலி, Woodbridge, Canada
18 Dec, 2010
புங்குடுதீவு 3ம் வட்டாரம், யாழ்ப்பாணம், நீர்கொழும்பு, பிரான்ஸ், France
16 Dec, 2016
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
