டிரம்புடன் நான் பேசினேன்: போராட்டத்தில் தோல்வியை ஒப்புக்கொள்ள மாட்டேன் - கமலா ஹாரிஸ்

அமெரிக்க ஜனாதிபதி தேர்தலில் தோல்வியுற்ற நிலையில், சம நீதிக்கான போராட்டத்தை கைவிட மாட்டோம் என் கமலா ஹாரிஸ் பேசியுள்ளார். 

கமலா ஹாரிஸின் உரை

அமெரிக்காவின் 47வது ஜனாதிபதியாக டொனால்ட் டிரம்ப் (Donald Trump) தெரிவு செய்யப்பட்டுளளார். அவருக்கு உலகம் முழுவதும் இருந்தும் வாழ்த்துக்கள் குவிந்து வருகின்றன. 

டிரம்பை எதிர்த்து போட்டியிட்ட ஜனநாயக கட்சி வேட்பாளர் கமலா ஹாரிஸ் நேற்று உரையாற்றவில்லை.

இந்த நிலையில் இன்று அதிகாலை உரையாற்றிய கமலா ஹாரிஸ், நம் நாட்டிற்கான போராட்டம் எப்போதும் மதிப்பிற்குரியது என்று, கடின உழைப்பை விரும்புகிறோம் என்றும் கூறினார்.  

தேர்தல் தோல்வி குறித்து கமலா ஹரிஸை எச்சரிக்க முயன்ற ஜோதிடக் கலைஞர்: எழுப்பும் சந்தேகம்

ஒருபோதும் கைவிடாதீர்கள்

ஜனநாயகம், சட்டத்தின் ஆட்சி மற்றும் சம நீதிக்கான போராட்டத்தை ஒருபோதும் கைவிட மாட்டோம் என்றும் குறிப்பிட்ட அவர், நமது சுதந்திரத்திற்காக போராடுவது கடின உழைப்பை எடுக்கும் என்றும் கூறினார்.

தோல்வி குறித்து பேசிய கமலா ஹாரிஸ், "சில நேரங்களில் போராட்டத்தில் வெற்றி கிடைக்க சிறிது நேரம் எடுக்கும். ஆனால் நாம் வெற்றிபெற மாட்டோம் என்று அர்த்தமல்ல. முக்கிய விடயம் என்னவென்றால், ஒருபோதும் கைவிடாதீர்கள்.

இந்த தேர்தல் தோல்வியை ஒப்புக் கொண்டாலும் பிரச்சாரத்திற்கு தூண்டிய போராட்டத்தில் தோல்வியை ஒப்புக் கொள்ளமாட்டேன். அனைத்து மக்களின் சுதந்திரம், வாய்ப்பு, நியாயம் மற்றும் கண்ணியத்திற்கான போராட்டம் தொடரும்" என்றார். 

டிரம்புடன் பேசினேன்

மேலும் டிரம்ப் குறித்து பேசிய அவர், "இன்று முன்னதாக, நான் ஜனாதிபதியாக தெரிவு செய்யப்பட்ட டிரம்புடன் பேசினேன். அவரது வெற்றிக்கு வாழ்த்து தெரிவித்தேன். டிரம்ப் மற்றும் அவரது குழுவின் மாற்றத்திற்கு நாங்கள் உதவுவோம் என்றும், அமைதியான முறையில் அதிகார மாற்றத்தில் ஈடுபடுவோம் என்றும் நான் டிரம்பிடம் கூறினேன்.

தேர்தலில் போட்டியிட்டது பற்றி நான் மிகவும் பெருமைப்படுகிறேன். இந்தத் தேர்தலின் முடிவு நாம் விரும்பியது, போராடியது. எதற்காக வாக்களித்தோம் என்பதற்கானது அல்ல. முடிவுகளை நாம் ஏற்றுக்கொள்ள வேண்டும். நாம் போராடும் வரை அமெரிக்காவின் வாக்குறுதி வெளிச்சம் எப்போதும் பிரகாசமாக எரியும்" என தெரிவித்தார்.