லங்காசிறி FM
தமிழக தேர்தலில் போட்டியிடும் கோடீஸ்வர வேட்பாளர்கள் பட்டியலில் மூன்றாம் இடம் பிடித்த கமல்ஹாசன்! முதலிடம் யாருக்கு தெரியுமா?
தமிழக சட்டபேரவை தேர்தலில் போட்டியிடும் வேட்பாளர்களில் அதிக சொத்து மதிப்பு கொண்டவர்கள் குறித்து தெரியவந்துள்ளது. இந்த பட்டியலில் அம்பாசமுத்திரம் தொகுதியில் அதிமுக சார்பில் போட்டியிடும் இசக்கி சுப்பையா முதலிடத்தில் உள்ளார்.
அவரது சொத்து மதிப்பு 246 கோடியே 73 லட்சம் ரூபாயாக உள்ளது. இரண்டாவது இடத்தில் சென்னை அண்ணாநகர் தொகுதியில் திமுக சார்பில் போட்டியிடும் எம்எல்ஏ எம்.கே.மோகன் 211 கோடி ரூபாய் சொத்து மதிப்பு கொண்டுள்ளார்.
கடந்த 2016ஆம் ஆண்டு அவரது சொத்துமதிப்பு 170 கோடி ரூபாயாக இருந்த நிலையில் தற்போது உயர்ந்துள்ளது. மக்கள் நீதிமய்யம் கட்சியின் தலைவரும் கோவை தெற்கு தொகுதி வேட்பாளருமான கமல்ஹாசனுக்கு 176 கோடி ரூபாய் மதிப்புடன் மூன்றாம் இடத்தை பிடித்துள்ளார்.
அதே கட்சியின் சிங்காநல்லூர் தொகுதி வேட்பாளர் மகேந்திரனுக்கு 161 கோடி ரூபாய் மதிப்பில் சொத்து உள்ளதாக வேட்புமனுவில் குறிப்பிட்டுள்ளார்.
புங்குடுதீவு 7ம் வட்டாரம், London, United Kingdom
30 Jun, 2012
