லங்காசிறி FM
அரசியல்வாதி அரசியல் செய்யாமல் பானி பூரி விற்பாரா? சங்கராச்சாரியாருக்கு கங்கனா பதில்
உத்தவ் தாக்கரேவுக்கு துரோகம் நடந்துள்ளது என்று சங்கராச்சாரியார் கூறியதற்கு பாஜக எம்பி கங்கனா ரனாவத் பதில் அளித்துள்ளார்.
சங்கராச்சாரியார் பேசியது
சிவசேனா (யுபிடி) தலைவர் உத்தவ் தாக்கரேவை அவரது இல்லத்தில் ஜோதிர்மடத்தின் சங்கராச்சாரியார் சுவாமி அவிமுக்தேஸ்வரானந்த் சரஸ்வதி சந்தித்தார்.
பின்னர் அவர் செய்தியாளர்களிடம் பேசுகையில், "ஒருவருக்கு துரோகம் செய்வது மிகப்பெரிய பாவமாகும். உத்தவ் தாக்கரேவுக்கும் அப்படி ஒரு துரோகம் நடந்துள்ளது. அதனால் நாங்கள் வேதனை அடைந்துள்ளோம்.
வஞ்சகம் செய்பவன் இந்துவாக இருக்க முடியாது. அதனை பொறுத்துக்கொள்பவனே இந்து" என்று கூறியிருந்தார்.
இவர், ஏக்நாத் ஷிண்டேவை தான் மறைமுகமாக கூறுகிறார் என்று சமூக வலைதளங்களில் பலரும் பதிவிட்டு வந்தனர்.
கங்கனா பதில்
இந்நிலையில், நடிகையும் பாஜக எம்பியுமான கங்கனா ரனாவத், சங்கராச்சாரியார் கருத்துக்கு பதில் அளித்துள்ளார்.
அவர் தனது ட்விட்டர் எக்ஸ் தளத்தில், "அரசியலில், கூட்டணி, ஒப்பந்தம், கட்சி பிளவு என்பது மிகவும் பொதுவானதும், அரசியலமைப்புக்கு உட்பட்டதும் ஆகும்.
காங்கிரஸ் கட்சியில் கூட முதலில் 1907ல், பிறகு 1971ல் பிளவு ஏற்பட்டது. ஓர் அரசியல்வாதி அரசியல் செய்யாமல் பானி பூரி விற்பனை செய்வாரா?
சங்கராச்சாரியார் தனது சொற்பொழிவையும், அவரது செல்வாக்கையும், மதக் கல்வியையும் தவறாகப் பயன்படுத்தியுள்ளார். ஓர் அரசனே தன் குடிமக்களை சுரண்ட தொடங்கினால் துரோகம்தான் இறுதி வழி என்று நம் மதமே கூறுகிறது.
சங்கராச்சாரியார் தவறான வார்த்தைகளை பயன்படுத்தி மகாராஷ்டிர முதலமைச்சர் ஏக்நாத் ஷிண்டேவை துரோகி என்று குற்றம்சாட்டியதன் மூலம் நம் அனைவரது உணர்வுகளையும் புண்படுத்திவிட்டார். அதோடு இந்து மதத்தையும் அவமதித்து விட்டார்" என்று கூறியுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
மானிப்பாய், London Ontario, Canada
07 Aug, 2025
யாழ் நெடுந்தீவு 12ம் வட்டாரம், Jaffna, நயினாதீவு, London, United Kingdom
02 Aug, 2026
