லங்காசிறி FM
உடலுக்கு வலு சேர்க்கும் கருப்பு உளுந்து வெந்தய களி: எப்படி செய்வது?
இந்த களியை சாப்பிடுவதனால் உடலுக்கு மற்றும் எலும்புக்கு வலிமை தரவும், கர்பப்பை வலு பெறவும் உதவுகின்றன.
உடலுக்கு சத்து சேர்க்கவும், இடுப்புக்கு பலம் சேர்க்கவும், உடல் குளிச்சிக்கும் இந்த களி ஏற்ற ஒன்று.
அந்தவகையில், ஆரோக்கியம் நிறைந்த கருப்பு உளுந்து வெந்தய களி எப்படி செய்வது என்று பார்க்கலாம்.
தேவையான பொருட்கள்
- கருப்பு உளுந்து- ½ கப்
- வெந்தயம்- ½ கப்
- பச்சரிசி- ¼ கப்
- வெல்லம்- ¾ கப்
- உப்பு- 1 சிட்டிகை
- நல்லெண்ணெய்- 1 கப்
செய்முறை
முதலில் ஒரு வாணலில் வெந்தயம் சேர்த்து பொன்னிறமாக வறுத்து எடுத்துக்கொள்ளவும்.
பின் அதில் கருப்பு உளுந்து சேர்த்து பொன்னிறமாக வறுத்து எடுத்துக்கொள்ளவும்.
இதனைத்தொடர்ந்து பச்சரிசி சேர்த்து பொன்னிறமாக வறுத்து எடுத்துக்கொள்ளவும்.
பின்னர் இதை நன்கு ஆறவைத்து ஒரு மிக்ஸி ஜாரில் சேர்த்து அரைத்து சலித்து எடுத்துக்கொள்ளவும்.
அடுத்து ஒரு பாத்திரத்தில் வெல்லம் மற்றும் தண்ணீர் சேர்த்து வெல்லத்தை கரைத்து வடிகட்டி எடுத்துக்கொள்ளவும்.
இதற்கடுத்து ஒரு வாணலில் அரைத்து சலித்த பொடி மற்றும் வெல்லக்கரைசல் சேர்த்து கரைத்து அதன் பின் அடுப்பில் வைத்து உப்பு சேர்த்து கிளறவும்.
இறுதியாக இதில் அவ்வப்போது நல்லெண்ணெய் சேர்த்து கிளறி ஒட்டாமல் ஒன்றாக திரண்டு வந்தால் ஆரோக்கியமான கருப்பு உளுந்து வெந்தய களி தயார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
