சொந்த மகளை ரகசியமாக மேடை ஏற்றிய வடகொரியாவின் கிம் ஜோங் உன்: புகைப்படம் வெளியானது
வடகொரிய தலைவரின் ஒரே ஒரு மகள், அவர் Kim Ju-ae எனவும் சீன நிபுணர் ஒருவர் அடையாளம் கண்டுள்ளார்.
வடகொரியாவின் தேசிய நாள் கொண்டாட்டத்தின் போது, குறித்த சிறுமி மேடை ஏற்றப்பட்டுள்ளதாக
வடகொரிய தலைவர் கிம் ஜோங் உன் தமது மகளின் முகத்தை மிக ரகசியமாக முதன்முறையாக வெளிப்படுத்தியுள்ளதாக தகவல் வெளியாகியுள்ளது.
வடகொரியா தலைவர் கிம் ஜோங் உன் மற்றும் அவரது சகோதரி ஆகியோர் பொதுவெளியில் சகஜமாக வலம் வருபவர்கள். ஆனால் கிம்மின் மனைவி பொதுவெளியில் அதிகம் காணப்படாதவர் என்பது மட்டுமின்றி, இதுவரை கிம் ஜோங் உன் பிள்ளைகள் தொடர்பிலும் போதிய தகவல் ஏதும் வெளியானதில்லை.
@pennews
இந்த நிலையில், தற்போது தமது மகளை கிம் ஜோங் உன் ரகசியமாக அறிமுகப்படுத்தியுள்ளதாக தகவல் வெளியாகியுள்ளது. குறித்த சிறுமி வடகொரிய தலைவரின் ஒரே ஒரு மகள் எனவும், அவர் Kim Ju-ae எனவும் சீன நிபுணர் ஒருவர் அடையாளம் கண்டுள்ளார்.
இந்த மாதத்தில் வடகொரியாவின் தேசிய நாள் கொண்டாட்டத்தின் போது, குறித்த சிறுமி மேடை ஏற்றப்பட்டுள்ளதாக அந்த சீனத்து நபர் சுட்டிக்காட்டியுள்ளார். பல சிறுமிகளுக்கு நடுவே Kim Ju-ae காணப்பட்டதாகவும், அவர் ஒரு பாடலுக்கு நடமாடியதாகவும் கூறப்படுகிறது.
@getty
மட்டுமின்றி, குறிப்பிட்ட பாடல் முடிவடைந்ததும், கிம் ஜோங் மனைவி Ri Sol-ju தமது இருக்கையில் இருந்து எழுந்து வந்து, குறித்த சிறுமியை அரவணைத்துக் கொண்டதாகவும் அவர் சுட்டிக்காட்டியுள்ளார்.
மேலும், கிம் நெருங்கி வந்ததும் பொதுவாக சிறார்கள் அவரை மொய்த்துக் கொள்வதுடன், உணர்ச்சி மிகுதியால் குதிப்பார்கள். ஆனால் குறிப்பிட்ட சிறுமி மட்டும் மிகவும் அமைதியாக அனைத்தையும் வேடிக்கை பார்த்தபடி காணப்பட்டார்.
மட்டுமின்றி, சிறுமி ஒருவர் கிம்மை மிக நெருக்கமாக அணுகவும், இவர் அந்த சிறுமியை தடுப்பதாகவும் காணொளியில் பதிாகியுள்ளது. மேலும், பல சிறுமிகள் அந்த மேடையில் காணப்பட, Kim Ju-ae மட்டுமே அதிக முக்கியத்துவம் தரப்பட்டதாகவும் கூறுகின்றனர்.
@pennews
அவரது உடை மற்றும் தோரணையிலும் வித்தியாசம் தெரிந்ததாக, சீனத்து நிபுணர்கள் கூறுகின்றனர்.
தோராயமாக குறித்த சிறுமிக்கு 10 வயதிருக்கலாம் எனவும், அதனாலையே அவர் தற்போது ஊடகங்களில் முகம் காட்ட வைக்கப்பட்டுள்ளார் எனவும் தெரியவந்துள்ளது.