லங்காசிறி FM
டொலருக்கு பை-பை - மீண்டும் BRICS நாணய வதந்தி., கியோசாக்கி எச்சரிக்கை
அமெரிக்க எழுத்தாளர் மற்றும் முதலீட்டாளர் ராபர்ட் கியோசாக்கி (Robert Kiyosaki) மீண்டும் அமெரிக்க டொலர் குறித்து அபாய மணி அடித்துள்ளார்.
BRICS நாடுகள் (பிரேசில், ரஷ்யா, இந்தியா, சீனா, தென் ஆப்பிரிக்கா) தங்கத்தை ஆதாரமாகக் கொண்டு புதிய நாணயத்தை அறிமுகப்படுத்தும் என்கிற வதந்தி மீண்டும் கிளம்பியுள்ள நிலையில், டொலர் வைத்திருப்பவர்கள் மிகப்பெரிய இழப்பை சந்திப்பார்கள் என அவர் எச்சரித்துள்ளார்.
BRICS நாணய வதந்தி
கியோசாக்கி, “BRICS நாடுகள் ‘Unit’ எனப்படும் தங்க ஆதார நாணயத்தை அறிவித்துள்ளன. இதனால் ‘Bye-bye US Dollar’ என சொல்ல வேண்டிய சூழல் உருவாகும். டொலர் வைத்திருப்பவர்கள் அதிபணவீக்கம் (hyperinflation) காரணமாக அழிவை சந்திக்கலாம்” என்று சமூக வலைதளத்தில் பதிவு செய்துள்ளார்.
மாற்று முதலீடுகள்
அவர், “தங்கம், வெள்ளி, Bitcoin, Ether ஆகியவற்றை வைத்திருப்பதே பாதுகாப்பானது” என வலியுறுத்தியுள்ளார்.
சமீபத்தில் அவர் வெள்ளியை “மிகவும் பாதுகாப்பான முதலீடு” எனக் குறிப்பிட்டிருந்தார்.
அரசியல் சூழல்
இந்த கருத்துகள், ரஷ்ய ஜனாதிபதி விளாடிமிர் புடின் இந்திய பிரதமர் நரேந்திர மோடியை சந்தித்த அதே வாரத்தில் வெளிவந்துள்ளன. இதனால் BRICS கூட்டணியின் நாணய முயற்சிகள் மீண்டும் உலகளாவிய கவனத்தை ஈர்த்துள்ளன.
கியோசாக்கியின் எச்சரிக்கை, உலகளாவிய முதலீட்டாளர்களிடையே டொலரின் எதிர்காலம் குறித்த அச்சத்தை அதிகரித்துள்ளது.
BRICS நாணய முயற்சி உண்மையாகும் பட்சத்தில், சர்வதேச நிதி சந்தையில் பெரிய மாற்றங்கள் நிகழும் வாய்ப்பு உள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
