லங்காசிறி FM
இறுதி வரை போராடிய ஐதராபாத்: 10 ஓட்டங்கள் வித்தியாசத்தில் கொல்கத்தா அதிரடி வெற்றி
Balakumar
in கிரிக்கெட்
மணீஷ் பாண்டே கடைசி வரை போராடியும் சன்ரைசர்ஸ் ஐதராபாத் அணி 10 ஓட்டங்கள் வித்தியாசத்தில் கொல்கத்தா நைட் ரைடர்ஸ் அணியிடம் வெற்றி வாய்ப்பை இழந்தது.
ஐபிஎல் 2021 சீசனின் மூன்றாவது ஆட்டம் சென்னை சேப்பாக்கம் மைதானத்தில் நடைபெற்றது. இதில் சன்ரைசர்ஸ் ஐதராபாத் - கொல்கத்தா நைட் ரைடர்ஸ் அணிகள் மோதின.
நாணய சுழற்சியில் வென்ற சன்ரைசர்ஸ் ஐதராபாத் பந்து வீச்சை தெரிவு செய்தது. அதன்படி கொல்கத்தா நைட் ரைடர்ஸ் முதலில் துடுப்பாட்டத்தில் இறங்கியது.
கொல்கத்தா தொடக்கத்தில் இருந்து அதிரடியாக ஆடியது. முக்கியமாக கொல்கத்தாவின் ராணா, ராகுல் திரிப்பாதி இரண்டு பேரும் ஐதராபாத் பந்துவீச்சை அடித்து துவைத்தனர்.
துவக்க வீரராக இறங்கிய ராணா 56 பந்தில் 80 ஓட்டங்கள் எடுத்தார். இதில் 4 சிக்ஸ், 9 பவுண்டரி அடக்கம். இன்னொரு பக்கம் ராகுலும் 29 பந்தில் 53 ஓட்டங்கள் எடுத்தார்.
இதில் 2 சிக்ஸ், 5 பவுண்டரி அடக்கம். 16 ஓவர்கள் வரை கொல்கத்தா அதிரடியாக ஆடியது. ஆனால் கடைசி கட்டத்தில் நடராஜன், நபி, ரஷீத் கான் அடுத்தடுத்து விக்கெட் எடுத்தனர்.
இதனால் கொல்கத்தா அணி 20 ஓவருக்கு 6 விக்கெட்டுகள் இழப்பில் 187 ஓட்டங்கள் எடுத்தது. சன்ரைசர்ஸ் ஐதராபாத் சார்பில் ரஷித் கான், முகமது நபி தலா 2 விக்கெட்டுகள் வீழ்த்தினர்.
இதையடுத்து, 188 ஓட்டங்கள் எடுத்தால் வெற்றி என்ற இலக்குடன் சன்ரைசர்ஸ் அணி களமிறங்கியது. தொடக்க ஆட்டக்காரர்களாக விருத்திமான் சாஹாவும், டேவிட் வார்னரும் இறங்கினர்.
வார்னர்(3), சாஹா(7) ஓட்டங்களிலும் அவுட்டாகி ஏமாற்றம் அளித்தனர். 10 ஓட்டங்களுக்குள் 2 விக்கெட்டுகளை இழந்து தத்தளித்தது ஐதராபாத்.
அடுத்து இறங்கிய மணீஷ் பாண்டேவும், பேர்ஸ்டோவும் பொறுப்புடன் ஆடி அரை சதமடித்தனர். இந்த ஜோடி 92 ஓட்டங்கள் சேர்த்த நிலையில் பேர்ஸ்டோவ் 55 ஓட்டங்களில் ஆட்டமிழந்தார்.
முகமது நபி 14 ஓட்டங்களில் வெளியேறினார். அடுத்து இறங்கிய விஜய் சங்கர் 11 ஓட்டங்களில் வெளியேறினார்.
கடைசி 2 ஓவரில் வெற்றிக்கு 38 ஓட்டங்கள் தேவைப்பட்டது. 19வது ஓவரில் 2 சிக்சர் உள்பட 16 ஓட்டங்கள் கிடைத்தது. மணீஷ் பாண்டே அரை சதமடித்தார்.
இறுதியில் ஐதராபாத் அணி 20 ஓவரில் 5 விக்கெட் இழப்புக்கு 177 ஓட்டங்கள் மட்டுமே எடுத்தது.
மணீஷ் பாண்டே இறுதி வரை ஆட்டமிழக்காமல் 61 ஓட்டங்கள் எடுத்தார். இதனால் கொல்கத்தா அணி 10 ஓட்டங்கள் வித்தியாசத்தில் அபார வெற்றி பெற்றது.
புங்குடுதீவு 10ம் வட்டாரம், Biel/Bienne, Switzerland, Brampton, Canada
17 Apr, 2025
Klang, Malaysia, யாழ்ப்பாணம், London, United Kingdom, சிட்னி, Australia
11 May, 2025
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
யாழ்ப்பாணம், Edinburgh, Scotland, United Kingdom, London, United Kingdom
07 May, 2025
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
