லங்காசிறி FM
கனடாவில் படிக்க ஆசையா? PTE தேர்வு குறித்து அறிந்துகொள்வோம்
கனடாவில் கல்வி அனுமதி பெறுவதற்கான PTE தேர்வு குறித்து அறிந்துகொள்வோம்.
PTE தேர்வு என்பது என்ன?
PTE தேர்வு என்பது, கனடாவில் கல்வி கற்க, பணியாற்ற அல்லது புலம்பெயர விரும்புவோருக்கான கணினி அடிப்படையிலான ஆங்கில மொழித் தேர்வு ஆகும். இந்த இரண்டு மணிநேர தேர்வு, தேர்வில் பங்கேற்போரின் வாசிக்கும், எழுதும், கவனிக்கும் மற்றும் பேசும் திறனை சோதிக்கிறது.'
தேர்வுக் கட்டணம்
PTE கல்வித் தேர்வுக்கான கட்டணம் 15,900 ரூபாய் ஆகும். தேர்வு தேதியிலிருந்து 48 மணி நேரத்திற்கு முன் ஒரு மாணவர் தனது PTE தேர்வை பதிவு செய்தால், அவர் தாமதத்திற்கான கட்டணத்தையும் சேர்த்து செலுத்த வேண்டும்.
PTE தேர்வின் வாசித்தல் பிரிவில் தேர்ச்சி பெற ஐந்து எளிய வழிமுறைகளைப் பார்க்கலாம்...
1: நிறைய வாசியுங்கள்: புத்தகங்கள், வலைப்பதிவுகள், கோட்பாடுகள், மதிப்புரைகள், செய்திகள் மற்றும் பாடங்கள் தொடர்பான விடயங்கள் போன்ற பலதரப்பட்ட விடயங்களைத் தேர்ந்தெடுக்கவும்.
2: வாசிக்கும் திறனை வளர்த்துக் கொள்ளுங்கள்: PTE தேர்வு இரண்டு மணி நேரத் தேர்வாக இருப்பதால், விரைவாக வாசிக்கும் திறனை வளர்த்துக் கொள்வது அவசியம். உங்கள் வாசிக்கும் வேகத்தை அதிகரிக்க இலக்குகளை அமைக்கவும். ஒரு குறிப்பிட்ட காலக்கெடுவுக்குள் குறிப்பிட்ட எண்ணிக்கையிலான சொற்களைப் படிக்க உங்களுக்கு நீங்களே சவால் விடுங்கள். இந்த பயிற்சி, தேர்வின் போது உங்கள் நேரத்தை திறம்பட நிர்வகிக்க உதவும்.
3: உங்கள் சொந்த அகராதியை உருவாக்குங்கள்: உங்கள் வாசிக்கும் வேகத்தை அதிகரிக்கும்போதே, உள்ளடக்கத்தைப் புரிந்துகொள்வதில் கவனம் செலுத்துவதும் அவசியமாகும். அறிமுகமில்லாத அல்லது அதிகம் பயன்படுத்தப்படாத சொற்களை நீங்கள் படிக்கும்போதெல்லாம், அவற்றைப் பார்க்கவும், அவற்றின் அர்த்தங்களை மனப்பாடம் செய்யவும், உங்கள் சொந்த சொற்களஞ்சியப் பட்டியலை உருவாக்கவும் நேரம் ஒதுக்குங்கள். புதிய சொற்களஞ்சியத்துடன் இந்த செயலில் ஈடுபாடு உங்கள் மொழித் திறனை விரிவுபடுத்துவதுடன் உங்கள் புரிதலையும் மேம்படுத்தும்.
4: உங்கள் இலக்கண அறிவை மேம்படுத்துங்கள்: உள்ளடக்கத்தை திறம்பட படித்து புரிந்து கொள்ள, ஆங்கில இலக்கணத்தில் உறுதியான பிடிப்பு இருப்பது அவசியம். விரிவான வாசித்தல் பல்வேறு இலக்கண கட்டமைப்புகளை வெளிப்படுத்தி, உங்கள் புரிதலை மேலும் வலுப்படுத்தும்.
5: பயனுள்ள தேர்வு யுக்திகளைப் பயன்படுத்தவும்: தேர்வு எழுதும்போது, கேள்விகளை ஒரு முறைக்கு இருமுறை வாசித்தல், முக்கிய வார்த்தைகளை அடிக்கோடிடுதல் முதலான தேர்வு யுக்திகளைப் பின்பற்றுதல் நல்ல பலனைக் கொடுக்கும்.
இந்த ஐந்து படிகளையும் பின்பற்றுவதன்மூலம், நீங்கள் PTE தேர்வின் வாசித்தல் பிரிவில் நல்ல மதிப்பெண்களைப் பெறலாம்.
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
