லங்காசிறி FM
பாகிஸ்தான் பந்துவீச்சை நொறுக்கி சதமடித்த தாஸ்
பாகிஸ்தான் அணிக்கு எதிரான இரண்டாவது டெஸ்ட் போட்டியில் லித்தன் தாஸ் சதம் விளாசினார்.
விக்கெட்டுகள் சரிவு
வங்காளதேசம் மற்றும் பாகிஸ்தான் அணிகளுக்கு இடையிலான இரண்டாவது டெஸ்ட் போட்டி சில்ஹெட்டில் நடந்து வருகிறது.
நாணய சுழற்சியில் வென்ற பாகிஸ்தான் அணி பந்துவீச்சை தெரிவு செய்தது. அதன்படி வங்காளதேச அணி துடுப்பாட்டத்தை தொடங்கியது.
மஹ்முதுல் டக்அவுட் ஆகி வெளியேற, தன்ஸித் ஹசன் 26 ஓட்டங்களும், மொமினுள் ஹக் 22 ஓட்டங்கள் எடுத்தனர்.
பின்னர் அணித்தலைவர் நஜ்முல் ஷாண்டோ 29 ஓட்டங்கள் எடுத்த நிலையிலும், ரஹீம் 23 ஓட்டங்கள் எடுத்த நிலையிலும் வெளியேறினர்.
லித்தன் தாஸ் சதம்
ஒருபுறம் விக்கெட்டுகள் சரிந்தாலும் விக்கெட் கீப்பர் லித்தன் தாஸ் (Litton Das) அதிரடியாக ஓட்டங்கள் சேர்த்தார்.
அபார ஆட்டத்தை வெளிப்படுத்திய அவர் பவுண்டரி அடித்து 6வது சதத்தினை பூர்த்தி செய்தார். மேலும், பாகிஸ்தானுக்கு இது அவருக்கு 3வது சதம் ஆகும்.
159 பந்துகளை எதிர்கொண்ட லித்தன் தாஸ் 2 சிக்ஸர்கள், 16 பவுண்டரிகளுடன் 126 ஓட்டங்கள் குவித்து ஹசன் அலி ஓவரில் ஆட்டமிழந்தார்.
கடைசி விக்கெட்டாக நஹித் ராணா வெளியேற, வங்காளதேச அணி 278 ஓட்டங்களுக்கு ஆல்அவுட் ஆனது.
குர்ரம் ஷஸாத் 4 விக்கெட்டுகளும், மொஹம்மது அப்பாஸ் 3 விக்கெட்டுகளும், ஹசன் அலி 2 விக்கெட்டுகளும் கைப்பற்றினர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
துன்னாலை தெற்கு, ஜேர்மனி, Germany, நெதர்லாந்து, Netherlands, கனடா, Canada
16 May, 2021
சாவகச்சேரி, குஞ்சுப்பரந்தன், கிளிநொச்சி, Scarborough, Canada
14 May, 2021
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
