லங்காசிறி FM
யாருக்கும் இந்த நிலைமை... ஆடம்பர உலகில் ஒரு இளவரசியின் சோகக் கதை
பிரித்தானிய இளவரசிகள் உட்பட உலகில் தற்கால அரச குடும்பத்து இளம் பெண்கள் பெரும்பாலானவர்கள் சொகுசு வாழ்க்கையை முன்னெடுத்து வரும் நிலையில், ஜப்பானிய இளவரசி தனிமையில் வாடுவதுடன், திருமணமும் செய்துகொள்ள முடியாமல் பரிதாப நிலைக்கு தள்ளப்பட்டுள்ளார்.
பிரித்தானிய இளவரசி கேட் உட்பட உலகில் பெரும்பாலான அரச குடும்பத்து இளம் பெண்கள் சொகுசாகவே வாழ்ந்து வருகின்றனர். எந்த நாட்டு இளவரசியும் நட்பு வட்டம் ஏதுமின்றி தனைமையில் வாடுவதாகவும், உரிய வயதில் திருமணம் செய்து கொள்ளாமலும் இருந்ததில்லை.
ஆனால் ஜப்பானிய இளவரசி தோஷி செல்வ செழிப்புடன் இருந்தாலும் தனிமையில் காலம் கடத்தும் சூழ்நிலையில் உள்ளார். பாடசாலையில் கிண்டலுக்கும் கேலிக்கும் இலக்கான தோஷி, தமது பெற்றோருடன் அரண்மனையில் வசித்து வந்தாலும், சமவயதில் அவருக்கு நண்பர்கள் இல்லை.
Reuters
மட்டுமின்றி அரச குடும்பத்து வழக்கப்படி, தங்களது அந்தஸ்துக்கு நிகரான ஒருவரையே திருமணம் செய்துகொள்ள வேண்டும். அந்தவகையில் தற்போது இளவரசி தோஷியின் அந்தஸ்துக்கு நிகரான அரச குடும்பத்து உறுப்பினர்கள் எவரும் இல்லை என்பதால் திருமணம் செய்து கொள்ளவும் முடியாமல் உள்ளது.
பொதுமக்களில் ஒருவரை திருமணம் செய்வதென்றால், இளவரசி பட்டம் உட்பட அனைத்து முன்னுரிமைகளையும் இழக்க நேரிடும். ஏற்கனவே ஜப்பானிய இளவரசிகளில் ஒருவரான Mako Komuro தமது கல்லூரி நண்பரை திருமணம் செய்து கொண்டு, அரச குடும்பத்து அனைத்து தகுதிகளையும் இழந்துள்ளார்.
Getty Images
ஆனால், அரச குடும்பத்து ஆதரவாளர்களுக்கு அவரது முடிவு இதுவரை ஏற்றுக்கொள்ள முடியவில்லை என்றே கூறப்படுகிறது. விவாகரத்து செய்து கொண்டு, இளவரசி Mako Komuro ஜப்பான் அரச குடும்பத்துக்கு திரும்ப வேண்டும் என்றால் மட்டுமே அவர் மகிழ்ச்சியுடன் இருப்பார் எனவும் கூறி வருகின்றனர்.
மேலும், 1947ல் உருவாக்கிய சட்டத்தின்படி, அரச குடும்பத்தில் பெண்கள் எவரும் முடிசூட முடியாமல் போனது. தற்போது ஜப்பானிய அரச குடும்பத்தில் 17 பேர்கள் மட்டுமே எஞ்சியுள்ளனர். இவர்களில் நால்வர் மட்டுமே ஆண்கள்.
Reuters
இளவரசி தோஷி பிறந்த போதே, அவர் ஆட்சி பொறுப்பில் வர முடியாது என்பது முடிவானதுடன், தகுதியான நபர் அமையாமல் போனால் திருமணமும் சிக்கலில் முடியும் என்ற நிலை உருவாகியுள்ளது.
இருப்பினும், அரச குடும்பத்து சட்டங்கள் ஒரு நாள் திருத்தப்படும் என்ற நம்பிக்கையில் உள்ளனர் ஜப்பானிய அரச குடும்பத்து பெண்கள்.
தெல்லிப்பழை, உருத்திரபுரம், Cergy, France, Coventry, United Kingdom
13 May, 2022
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
புங்குடுதீவு 9ம் வட்டாரம், மடத்துவெளி புங்குடுதீவு, சுன்னாகம், கொழும்பு, Brampton, Canada
09 May, 2026
