லங்காசிறி FM
எங்களையும் 'சொந்த பிரதேசம் போல' பாதுகாக்க வேண்டும்: புடினிடம் உத்தரவாதம் கேட்கும் பெலாரஸ் தலைவர்!
பெலாரஸை 'சொந்த பிரதேசம் போல' பாதுகாக்க புடினிடமி ருந்து லுகாஷென்கோ பாதுகாப்பு உத்தரவாதத்தை நாடுகிறார்.
புடினிடம் பாதுகாப்பு உத்தரவாதம் கோரும் பெலாரஸ் தலைவர்
பெலாரஸ் தலைவர், அலெக்சாண்டர் லுகாஷென்கோ (Alexander Lukashenko), ரஷ்யாவின் உறுதியான கூட்டாளியான பெலாரஸை "அதன் சொந்த பிரதேசத்தைப் போல" பாதுகாக்க வேண்டும் என்று ரஷ்ய ஜனாதிபதி விளாடிமிர் புடினினிடம் கோரிகை வைத்துள்ளது.
பெலாரஸ் தலைநகர் மின்ஸ்கில் ரஷ்யாவின் பாதுகாப்பு மந்திரி Sergei Shoigu உடனான சந்திப்பில், "பெலாரஸ் மீது ஆக்கிரமிப்பு ஏற்பட்டால், ரஷ்ய கூட்டமைப்பு பெலாரஸின் நிலப்பரப்பை ரஷ்யா தனது சொந்த பிரதேசம் போல பாதுகாக்கும் என்று உத்தரவாதங்கள் வேண்டும்" என்று லுகாஷென்கோ மீண்டும் வலியுறுத்தியதாக, பெலாரஷ்ய அரச செய்தி நிறுவனம் பெல்டா தெரிவித்துள்ளது.
ரஷ்யாவிற்கும் பெலாரஸுக்கும் இடையில் கூட்டாக உருவாக்கப்பட்ட யூனியன் மாநிலத்தின் உச்ச மாநில கவுன்சிலின் கூட்டத்தில் இந்த பிரச்சினைகளை எழுப்பியதாக லுகாஷென்கோ கூறினார்.
Reuters
பெலாரஸ் ஜனாதிபதி தனது கோரிக்கைகளை ரஷ்ய ஜனாதிபதி புட்டினுடன் முன்பு விவாதித்ததாக குறிப்பிட்டார். பெலாரஷ்ய பிரதேசத்திலிருந்து அணு ஆயுதங்களை திரும்பப் பெறுவதற்கு ஈடாக புடாபெஸ்ட் மெமோராண்டம் கட்டமைப்பின் கீழ் மேற்கத்திய நாடுகள் முன்னர் வழங்கிய பாதுகாப்பு உத்தரவாதங்கள் பற்றிய "ஒப்பந்தங்களை நிறைவேற்றவில்லை" என்று லுகாஷென்கோ அடிக்கோடிட்டுக் காட்டினார். அண்டை நாடான உக்ரைனில் மோதலை தூண்டிய மின்ஸ்க் உடன்படிக்கையின் தோல்வியை அவர் மேற்கோள் காட்டினார்.
"அமெரிக்கா நமக்கு என்ன பாதுகாப்பு உத்தரவாதங்களை கூட வழங்க முடியும்?"
Budapest Memorandum "கஜகஸ்தான், உக்ரைன் மற்றும் பெலாரஸ் ஆகிய நாடுகளுக்கு முழு பாதுகாப்பிற்கு உத்தரவாதம் அளிப்பதாக அனைத்து மேற்கத்திய நாடுகள் மற்றும் ரஷ்யாவின் உறுதிமொழிகளை உள்ளடக்கியது, அதில் பொருளாதார பாதுகாப்பு உள்ளது" என்று லுகாஷென்கோ கூறினார். ஆனால் மேற்கத்திய நாடுகள் பெலாரஸ் மற்றும் ரஷ்யாவிற்கு எதிராக தடைகளை சரமாரியாக செயல்படுத்தியது.
Reuters
இந்த நிலையில் "அமெரிக்கா நமக்கு என்ன பாதுகாப்பு உத்தரவாதங்களை கூட வழங்க முடியும்? எதுவுமில்லை. அவர்கள் செய்வது நமக்கு எதிராக ஆக்கிரமிப்பைத் தொடங்குவதாகும், இப்போது நாம் பார்க்க முடியும். எங்கள் சகோதர ரஷ்யாவிடமிருந்து எங்களுக்கு முழு பாதுகாப்பு உத்தரவாதம் தேவை," என்று பெலாரஷ்ய தலைவர் ரஷ்ய பாதுகாப்பு அமைச்சரிடம் கூறினார்.
எல்லாப் போராட்டங்களையும் மீறி பெலாரஸில் சில ஆயிரம் ரஷ்ய வீரர்களை வைத்திருப்பதற்காக ரஷ்யாவிற்கு அவர் நன்றி தெரிவித்தார்.
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
