கனடா லொட்டரியில் ரூ.30 கோடி ஜாக்பாட் வென்ற இந்திய பெண் - உலகம் சுற்ற திட்டம்
Malayali Woman Wins 5 Mn dollar jackpot in Canada lottery: கனடாவில் வசிக்கும் மலையாளி பெண்ணுக்கு லொட்டரியில் ரூ.30 கோடி ஜாக்பாட் அடித்துள்ளது.
கனடா லொட்டரியில் ஜாக்பாட் வென்ற இந்திய பெண்
கனடாவின் எட்மன்டன் நகரில் வசித்து வரும் மலையாளி பெண்ணான சினேகா ஜாய்க்கு (Sneha Joy) வாழ்க்கையை மாற்றக்கூடிய அதிர்ஷ்டம் அடித்துள்ளது.

5 மில்லியன் கனேடிய டொலர்
வழக்கம்போல் தனது மொபைல் போனில் லொட்டரி செயலியை திறந்து டிக்கெட்டைப் பரிசோதித்தபோது, அவர் 5 மில்லியன் கனேடிய டொலர் (இந்திய மதிப்பில் ரூ.30 கோடிக்கும் மேல்) பரிசை வென்றிருப்பது தெரியவந்தது.
கனடாவின் பிரபலமான Lotto 6/49 லொட்டரியின் அக்டோபர் 21-ஆம் திகதியிலான குலுக்கலில் இந்த வெற்றி கிடைத்துள்ளது.
6 எண்களும் சரியாக பொருந்தின
சினேகா வாங்கிய டிக்கெட்டில் இடம்பெற்ற அனைத்து 6 எண்களும் சரியாக பொருந்தியதால், அவர் Classic Jackpot பரிசுக்கான முழு தொகையையும் வென்றார். இந்த வெற்றி பற்றி பேசிய சினேகா, "எனக்கு மிகுந்த அதிர்ச்சியாக இருந்தது" என்று தெரிவித்துள்ளார். வெற்றி பெற்றதை அறிந்த அந்த தருணத்தில் தனது உணர்வுகளை மூன்று வார்த்தைகளில் விவரித்த அவர், "அதிர்ச்சி, மகிழ்ச்சி, நிம்மதி" என்று கூறியுள்ளார்.
லொட்டரி டிக்கெட்டுகளை வாங்குவதில் ஆர்வம் இருந்தாலும், இவ்வளவு பெரிய தொகையை வெல்வேன் என்று ஒருபோதும் நினைத்ததில்லை என்றும் அவர் கூறியுள்ளார்.
வீட்டுக் கடன் முழுவதையும் அடைத்துவிடுவதே முன்னுரிமை
தற்போது பரிசுத் தொகை கிடைத்த நிலையில், அதை எவ்வாறு பயன்படுத்துவது என்பது குறித்தும் அவர் ஏற்கனவே திட்டமிட்டுள்ளார். முதலில் தனது வீட்டுக் கடன் முழுவதையும் அடைத்துவிடுவதே தனது முன்னுரிமை என Sneha Joy தெரிவித்துள்ளார். பல குடும்பங்களைப் போல நீண்டகால நிதிச் சுமையாக இருந்த வீட்டுக் கடனிலிருந்து விடுபடுவது தனது மிகப்பெரிய கனவாக இருந்ததாகவும் அவர் கூறியுள்ளார்.
அதற்குப் பிறகு உலகின் பல நாடுகளுக்குச் சுற்றுலா செல்லும் திட்டமும் அவர் வைத்துள்ளார். "முதலில் வீட்டுக் கடனை அடைப்பேன். அதன் பிறகு உலகைச் சுற்றிப் பார்ப்பேன்" என்று அவர் மகிழ்ச்சியுடன் தெரிவித்துள்ளார்.
குடும்பத்தினருடனும் பகிர்ந்து கொள்ள விருப்பம்
இதுமட்டுமின்றி, இந்த அதிர்ஷ்டப் பரிசை தனது குடும்பத்தினருடனும் பகிர்ந்து கொள்ள விரும்புவதாக அவர் கூறியுள்ளார். இந்த வெற்றி தனக்கு மட்டுமல்ல, தனது அன்புக்குரியவர்களுக்கும் மகிழ்ச்சியை வழங்க வேண்டும் என்பதே அவரது விருப்பமாக உள்ளது.
மேற்கு கனடா லொட்டரி கழகம் வெளியிட்ட தகவலின்படி, Sneha Joy Lotto Spot செயலி மூலம் வாங்கிய டிக்கெட்டில் 1, 10, 18, 22, 33 மற்றும் 37 ஆகிய எண்கள் இடம்பெற்றிருந்தன. இந்த ஆறு எண்களும் சரியாக பொருந்தியதால் அவர் பல கோடி ரூபாய் மதிப்பிலான ஜாக்பாட் பரிசை வென்றுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |