மலேசியாவின் பிரபலமான சுற்றுலா இடங்கள் ஓர் பார்வை

மலேசியா என்றவுடன் பலருக்கும் சட்டென நினைவுக்கு வருவது கோலாலம்பூர் தான், அதையும் தாண்டி அழகான கடற்கரைகள், தீவுகள் என மனதிற்கினிய வசீரிக்கும் இடங்கள் பல உண்டு.

அது பற்றி மேலும் தெரிந்து கொள்ளலாம், பலதரப்பட்ட மக்கள் வாழும் மலேசியா நிச்சயம் சுற்றுலா பயணிகளை ஈர்க்கும் என்பதில் சந்தேகமில்லை.

சமீபகாலமாகவே மலேசியாவில் சுற்றுலா பயணிகள் எண்ணிக்கை அதிகரித்துக் கொண்டே செல்கிறது.

மாதக்கணக்கில் தங்கியிருந்து கூட கடற்கரைகள், தீவுகள் என இயற்கையை ரசிக்க ஏராளமான இடங்கள் இங்கு உண்டு.

மிக முக்கியமாக அங்கிருக்கும் மக்கள் இன்முகத்துடன் வரவேற்பவும், உணவு மிக ருசியாகவும் அதேசமயம் விலை குறைவாகவும் இருப்பது மற்றொரு சுவாரசியமே.

Kuala Lumpur

தலைநகர் இல்லாமல் எந்தவொரு நாடும் பூர்த்தியடைந்து விடாது, முக்கியமான நகரங்களில் கோலாலம்பூருக்கு என்றுமே இடமுண்டு.

பல கலாசாரங்கள் நிறைந்த மக்கள் வாழும் மலேசியாவின் மிகப்பெரிய நகரம் கோலாலம்பூர்.

இங்கு அமைந்துள்ள Petronas Towers, Batu Cavesல் அமைந்துள்ள இந்துக்களின் பாரம்பரிய கோவில், தெருவோர உணவுகள் மற்றும் ஷாப்பிங் போன்றவற்றை ஒருபோதும் ரசிக்காமல் வரவேண்டாம்.

Langkawi

மலேசியாவின் அழகிய கவர்ச்சிகரமான மிகப்பெரிய கடற்கரை Langkawi, உண்மையிலேயே இது ஒரு தீவுக்கூட்டம் ஆகும்.

மிக முக்கியமாக Pantai Cenang ல் கடற்கரைக்கு அடியே அமைந்துள்ள உலகம் உங்களை ஆச்சரியத்தில் மூழ்கடிக்கும், இதுதவிர Temurun நீர்வீழ்ச்சி மற்றும் Langkawi Cable Car பயணமும் மறக்கமுடியாத நினைவலைகளை உண்டாக்கும்.

Penang

மலேசியாவின் மிகச்சிறந்த நகரங்களில் ஒன்று Penang, முதன்முறையாக மலேசியாவுக்கு வருகை தரும் நபர்களுக்கும், அடிக்கடி வரும் நபர்களுக்கும் சிறந்ததொரு பயணத்தை Penang வழங்கும்.

பல கலாசாரங்களை கொண்ட மக்கள் வாழும் இந்நகரில் ஹொட்டல்களும் நீங்கள் விரும்பும் விலைகளில் எளிதாக கிடைத்து விடும், மலேசியாவின் பாரம்பரிய உணவுகளை இங்கு சுவைக்கலாம்.

18ம் நூற்றாண்டுகளில் பிரிட்டிஷ் காலத்தில் இங்கு வசித்து வந்ததாக சான்றுகள் உண்டு.

Bukit Merah

ஓரங்குட்டான் குரங்குகளின் தாயகம் மலேசியா என்பது அனைவரும் அறிந்த ஒன்றே, இவைகளை Bukit Merah பகுதியில் காணலாம்.

ஓரங்குட்டான் தீவு என்றழைக்கப்படும் இப்பகுதி ஏரியால் சூழப்பட்டுள்ளது, குறிப்பாக இங்குள்ள சரணாலயத்தில் அரிதான விலங்குகளையும் கண்டு ரசிக்கலாம்.

Kuala Kangsar

கட்டிடக்கலையை பார்த்து வியக்கக்கூடிய பணக்கார நகரம் Kuala Kangsary, பங்களாக்கள், மரங்களால் வடிவமைக்கப்படட மிகப்பெரிய கட்டிடங்கள் என ஜொலி ஜொலிக்கிறது Kuala Kangsary.

Cameron Highlands

மலேசியாவின் வெப்பத்திலிருந்து தப்பிக்க பலரது விருப்பம் என்றால் Cameron Highlands தான், மலைப்பிரதேசமாக ஜில்லென்ற சூழலுடன் உங்களை வரவேற்கும் Cameron Highlandsல் தேயிலை தோட்டங்கள், அருங்காட்சியகங்கள் மற்றும் வழிபாட்டு தலங்கள் நிறைந்திருக்கின்றன.

மிக குறைவான பட்ஜெட்டில் இயற்கை ரசிப்பதற்கு சிறந்ததொரு இடம்.

Melaka

மலேசியாவின் வரலாற்று சிறப்பு வாய்ந்த இடம் Melaka, கோலாலம்பூரிலிருந்து 2.5 மணிநேர பயணத்தில் Melaka வை சென்றடையலாம்.

மசூதிகள், சர்ச்சுகள் உட்பட பல பாரம்பரியமிக்க இடங்கள் இங்குண்டு, A Famosa Resort மற்றும் Stadthuysவை குறிப்பிட்டு சொல்லிவிடலாம்.

இதுதவிர Melaka River மற்றும் Baba Nyonya Heritage Museum-யும் தவறாமல் பார்வையிட்டு வரவும்.

Johor Bahru

மலேசியா- சிங்கப்பூர் எல்லையில் அமைந்துள்ள Johor Bahruல் குழந்தைகளுடன் குடும்பமாக பொழுதை கழிப்பதற்கான இடங்கள் பல உண்டு.

Legoland, Kukup கிராமத்தை குறிப்பிட்டு சொல்லலாம்.

Tioman Island

உலகின் மிக அழகான தீவுகளில் ஒன்று Tioman Island, இயற்கையின் அழகில் மயங்கிவிட்டாலே உலகை மறந்துவிடுவோம், அந்த வகையில் உங்களை Tioman Island நிச்சயம் மயக்கிவிடும்.

ஸ்கூபா டைவிங், நீர்வீழ்ச்சிகள் என இயற்கை ரசனையாளர்கள் கண்டிப்பாக பார்வையிடக்கூடிய இடங்களில் முக்கியமானது Tioman Island.

Taman Negara National Park

மலேசியாவின் மிகப்பெரிய சரணாலயங்களில் ஒன்று Taman Negara National Park.

இதுதவிர படகு சவாரி, நீச்சல் அடிக்க தனி இடம் உட்பட 334 மீட்டர் உயரமான சிகரம் என பிப்ரவரி முதல் செப்டம்பர் மாதம் வரை சுற்றுலா செல்வதற்கான சிறந்த இடம் மலேசியாவே.

இவை தவிர Cherating, Kuala Terengganu, Redang Island, Kenyir Lake, Perhentian Islands, Kota Bharu, Kuching மற்றும் Sandakan போன்ற இடங்களும் மலேசியாவின் அழகை பிரதிபலிக்ககூடியவையே