பிரித்தானியாவில் சொகுசு வீட்டில் வசிக்கும் 81 வயது பாட்டியை திருமணம் செய்த 36 வயது நபர்! மகிழ்ச்சியாக இருந்த தம்பதியை பிரித்த ஒரு விடயம்

பிரித்தானியாவை சேர்ந்த 81 வயது பாட்டியும், எகிப்த்தை சேர்ந்த 36 வயது நபரும் காதலித்து திருமணம் செய்து கொண்ட நிலையில் விசா பிரச்சினையால் இருவரும் பிரிந்து வெவேறு இடங்களில் வசித்து வருகின்றனர்.

பிரித்தானியாவை சேர்ந்தவர் Iris Jones (81). இவர் £220,000 மதிப்புடைய சொகுசு பங்களாவில் வசித்து வருகிறார்.

Irisம் எகிப்து நாட்டை சேர்ந்த Mohamed Ahmed (36) என்பவரும் பேஸ்புக் மூலம் கடந்த 2019ல் நட்பானார்கள்.

இது பின்னர் காதலாக மாறியது. அதே ஆண்டு நவம்பர் மாதம் Iris தனது காதலனை காண எகிப்துக்கு சென்றார்.

அங்கு இருவரும் திருமணம் செய்து கொண்டனர். இருவரும் மகிழ்ச்சியாக வாழ்ந்து வந்த நிலையில் பிரித்தானியாவுக்கு சென்று வசிக்க முடிவு செய்தனர்.

.அதன்படி முதலில் Iris பிரித்தானியாவுக்கு வந்தார். ஆனால் விசா பிரச்சினையால் அவர் கணவர் Mohamedஆல் பிரித்தானியாவுக்கு இன்னும் வரமுடியவில்லை.

இதன் காரணமாக பிரிந்துள்ள தம்பதி வேதனையடைந்துள்ளது.

இது குறித்து Iris கூறுகையில், எப்போது என் கணவர் என்னுடன் ஒன்றுசேருவார் என தெரியவில்லை.

நான் விரும்பும் ஒருவரிடமிருந்து நான் பிரிந்துவிட்டேன், அது மிகவும் கடினமான ஒன்றாகும்.

என்னால் எகிப்துக்கு திரும்பிச் செல்ல முடியாது, ஏனென்றால் அங்குள்ள சூழல் எனது உடல்நலத்திற்கு பொருத்தமாக இல்லை, மேலும் அங்கு சூடாகவும் தூசி நிறைந்ததாகவும் அனைத்து பகுதிகளும் இருக்கிறது என கூறியுள்ளார்.

Mohamed கூறுகையில், நாங்கள் எங்கு வாழ்கிறோம் அல்லது அவள் எவ்வளவு பணக்காரர் அல்லது ஏழை என்று எனக்கு கவலையில்லை, நான் Iris உடன் இருக்க விரும்புகிறேன்.

பிரித்தானியா அல்லது எகிப்து எங்கு வாழ்ந்தாலும் எனக்கு கவலையில்லை.

பிரித்தானியா அழகான நாடு என எனக்கு தெரியும், ஆனால் உலகில் எங்கும் Iris உடன் வாழ தயாராக இருக்கிறேன் என கூறியுள்ளார்.