20 வயதில் பெரும் கோடீஸ்வரர்... ஒற்றை முடிவு: மொத்தமும் இழந்தவரின் இன்றைய நிலை

Money

By Arbin Aug 14, 2025 09:20 AM GMT

Arbin

in வணிகம்

Report

சாதிக்க வேண்டும் என்ற வெறியுடன் சில தொழில் முயற்சிகளை முன்னெடுத்து, அதில் எதுவும் கைக்கொடுக்காத நிலையில் அமெரிக்காவுக்கு சென்றவர் தனது 20 வயதுகளிலேயே பெரும் கோடீஸ்வரர் ஆனார்.

வேலை, வருவாய் என

அமெரிக்காவில் கனவு வாழ்க்கை வாழ்ந்த அவர் அப்போது 40 பில்லியன் அமெரிக்க டொலர் சந்தை மதிப்பு கொண்ட MicroStrategy என்ற நிறுவனத்தில் பணியாற்றி வந்தார்.

20 வயதில் பெரும் கோடீஸ்வரர்... ஒற்றை முடிவு: மொத்தமும் இழந்தவரின் இன்றைய நிலை | Man Became Millionaire Later Lost It All

ஆனால் 2000 ஆண்டு காலகட்டத்தில் கணினி உலகம் பெரும் ஆட்டம் காண, வேலை, வருவாய் என மொத்தமும் இழந்த நிலையில், 2003 ஆம் ஆண்டு வெறும் 30,000 டொலர் தொகையுடன் வேறு வழியின்றி இந்தியா திரும்பினார்.

அவர் தான் பின்னர் Shaadi.com என்ற நிறுவனத்தை துவங்கி, மீண்டும் சாதித்த அனுபம் மிட்டல். Shaadi.com நிறுவனத்தின் இன்றைய சந்தை மதிப்பு ரூ 2,500 கோடி என்றே கூறப்படுகிறது.

உலகிலேயே மிகப்பெரிய மேட்ரிமோனியல் இணையதளங்களில் ஒன்று Shaadi.com மட்டுமின்றி, உலக அளவில் 35 மில்லியன் பயனர்கள் உள்ளனர். இந்தியாவின் முதல் மேட்ரிமோனியல் இணையதளம் Shaadi.com ஆகும்.

அத்துடன் 50 லட்சம் திருமணங்களும் Shaadi.com நிறுவனத்தால் நடந்துள்ளது. பொதுவாக தோல்வி கண்டு அஞ்சாத அனுபம் மிட்டல் தீவிர ஆலோசனைக்குப் பின்னர் எடுத்த ஒற்றை முடிவு அவரை மீண்டும் சாதிக்க வைத்துள்ளது.

பொறுப்பற்றவர் என்றனர்

இந்தியா திரும்பும்போது தம்மிடம் எஞ்சிய 30,000 டொலர் தொகையில் 25,000 டொலரை செலவிட்டு இணையதள டொமைன் ஒன்றை வாங்கினார். மீதமிருக்கும் 5,000 டொலர் தொகையில் தொழிலை முன்னெடுக்கவும் முடிவு செய்தார்.

ஆனால் அந்த முடிவுக்கு அவரது நண்பர்கள், குடும்பத்தினர் மற்றும் விமர்சகர்கள் அவரை பொறுப்பற்றவர் என்றனர். தம்மை நிரூபிக்க வேண்டிய கட்டாயம் இருப்பதாக குறிப்பிட்ட அனுபம் மிட்டல், பணம் அல்ல தம்மால் மீண்டுவர முடியும் என்பதை நிரூபிக்கவே இந்த முயற்சி என்றார்.