லங்காசிறி FM
65 ஆண்டுகள் ஒரே நிறுவனத்தில் வேலை... கின்னஸ் சாதனை படைத்த முதியவரின் சீக்ரெட் என்ன?
ஜப்பானை சேர்ந்த பெண் ஒருவர் 65 வருடமாக ஒரே அலுவலகத்தில் தினமும் 12 மணி நேரம் வேலை செய்து கின்னஸ் சாதனை புரிந்துள்ளது ஆச்சரியத்தினை ஏற்படுத்தியுள்ளது.
91 வயது பாட்டியின் உலக சாதனை
பொதுவாக மனிதர்கள் வேலை செய்யும் அலுவலகத்தில் அவர்களது வயது வரம்பு என்பது 60 வயதாகவே இருக்கின்றது. தற்போது 58 வயது என்றும் மாற்றப்பட்டுள்ளது. ஆனால் ஜப்பானைச் சேர்ந்த முதியவர் ஒருவர் ஒரே அலுவலகத்தில் 65 ஆண்டுகள் பணியாற்றியுள்ளார்.
இது எப்படி சாத்தியம் என்று யோசிக்கிறீர்களா? ஆம் ஜப்பான் ஒசாகாவைச் சேர்ந்த யசுகோ டமாகி என்ற பெண்ணே இவ்வாறு வேலை செய்து உலக சாதனையும் படைத்துள்ளார்.
யசுகோ டமாகி 1930ம் ஆண்டு பிறந்தவர். இவர் 1956ம் ஆண்டு தனது 26 வயதில் சன்கோ இண்டஸ்ட்ரீஸ் கோ.லிமிடெட் நிறுவனத்தில் வேலைக்கு சென்றுள்ளார். தனது 90 வயது வரை அங்கேயே தொடர்ந்து பணியாற்றவும் செய்துள்ளார்.
90 வயதாக இருந்தாலும், யசுகோ டமாகி காலை 5.30 மணிக்கு வேலை சென்று மாலை 5.30 மணிக்கு தான் வெளியே வருவாராம். இவ்வாறு தினமும் 12 மணி நேரம் வேலை செய்து, கடந்த 2020ம் ஆண்டில் உலகின் வயதான அலுவலக மேலாளர் என்ற கின்னஸ் உலக சாதனையையும் படைத்தார்.
pC4TC69[
65 ஆண்டு ஒரே அலுவலகத்தில் வேலை
இந்த சாதனையை பெறும் போது அவருக்கு 90 வயது 174 நாட்கள் ஆக வயது இருந்துள்ளது. ஆனாலும் 2024, 2025ம் ஆண்டுகளில் கூட அவர் குறித்த அலுவலகத்தில் பணியாற்றியுள்ளார்.
இந்த அலுவலகத்தில் ஆரம்ப காலத்தில் 20 ஊழியர்கள் இருந்த நிலையில், தற்போது 430 ஊழியர்களாக மாறுயதில் யசுகோ டமாகியின் உழைப்பு தான் முக்கிய காரணமாகும். 40 வயதில் அவரது பிரிவு தலைவராக உதவி உயர்வு பெற்றவர், அனைத்து துறையிலும், அனைத்து நிர்வாக பொறுப்பினையும் பார்த்துள்ளார்.
மேலும் 67 வயதில் கணினி கற்க தொடங்கியவர் 70 வயதில் நன்றாக புரிந்து கொண்டு சான்றிதழையும் பெற்றதுடன், அடுத்தடுத்து புதிய கருவிகளை கற்றுக்கொள்ளவும் செய்துள்ளார்.
ஓய்வு நேரத்தில் கூட படிப்பது, மஹ்ஜோங் விளையாடுவது, சீட்டாட்டம், தனது மனதை கூர்மையாக வைத்திருப்பதற்கு ஜப்பானிய காஞ்சி திறனறித் தேர்வு எழுதுவது போன்றவற்றையும் செய்துள்ளார்.
தற்போது இவர் வாங்கியுள்ள கின்னஸ் சாதனை தனக்கு மகிழ்ச்சி அளிப்பதாகவும், மற்றவர்களுக்கும் உதவுவதுடன், சக ஊழியர்களையும் மகிழ்ச்சியடைய செய்வேன் என்றும் கூறியுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
மாத்தளை, யாழ்ப்பாணம், மல்லாகம், கிளிநொச்சி, Bruchsal, Germany, London, United Kingdom
14 Jan, 2025
புங்குடுதீவு 12ம் வட்டாரம், புங்குடுதீவு 8ம் வட்டாரம், Toronto, Canada
02 Feb, 2023
