லங்காசிறி FM
2 பில்லியன் டொலர் நிறுவனத்தை வெறும் 74 ரூபாய்க்கு விற்ற கோடீஸ்வரர்
வெளிநாடுகளில் குடியேறி சொந்த முயற்சியால் பெரும் கோடீஸ்வரர் அந்தஸ்தை எட்டியதுடன், அகல கால் வைத்து, அதனால் பெரும் வீழ்ச்சியை எதிர்கொண்டவர்களும் இருக்கிறார்கள்.
அதிர்ச்சியூட்டும் வீழ்ச்சி
அதில் ஒருவர் BR Shetty. இவரது வியக்கவைக்கும் வளர்ச்சியும் அதிர்ச்சியூட்டும் வீழ்ச்சியும் கடந்த தசாப்தத்தில் பெருநிறுவனங்களின் சரிவின் மிகப்பெரிய எடுத்துக்காட்டாக கூறப்படுகிறது.
ஏறக்குறைய ஒன்றுமில்லாதா நிலையில் இருந்து தொடங்கி, கடின உழைப்பு மற்றும் உறுதிப்பாட்டின் மூலம் வெற்றியின் உச்சத்தை அடைந்தவர் பிஆர் ஷெட்டி. வளர்ச்சியின் உச்சத்தில் இருந்த காலகட்டத்தில் அவரது சொத்து மதிப்பு ரூ 18,000 கோடிக்கும் அதிகம் என்றே கூறப்படுகிறது.
ஐக்கிய அரபு அமீரகத்தின் துபாய் மாகாணத்தில் அவருக்கு ஆடம்பர வில்லாக்களும், பல எண்ணிக்கையில் சொகுசு கார்களும், தனியார் விமானம் ஒன்றும் இருந்துள்ளது. ஆனால் ஒரே ஒரு குறுந்தகவலால் பிஆர் ஷெட்டியின் மொத்த சாம்ராஜ்யமும் ஆட்டம் கண்டது.
சொந்த முயற்சியால் கட்டியெழுப்பிய நிறுவனத்தையே விற்கும் நிலைக்கு ஆளானார். முன்னர் 2 பில்லியன் அமெரிக்க டொலர் என மதிப்பிடப்பட்ட நிறுவனத்தை வெறும் 74 ரூபாய்க்கு விற்கும் பரிதாப நிலைக்கு தள்ளப்பட்டார்.
இந்தியாவில் பரிதாப நிலையில் வாழ்ந்து வந்த ஷெட்டி, வேலை தேடி ஐக்கிய அமீரகத்திற்கு செல்லும் போது வெறும் 8 டொலர் மட்டுமே கைவசம் இருந்துள்ளது. ஆனால் அதன் பின்னர், கடுமையான உழைப்பால் NMC Health என்ற மருத்துவமனை குழுமத்தை நிறுவினார்.
குறுந்தகவல் ஒன்று
இதுவே அவரை உலகின் மிகப்பெரிய கோடீஸ்வரர்கள் பட்டியலில் இடம்பெற செய்தது. துபாய் மாகாணத்தின் அடையாளமான Burj Khalifa-வில் 25 மில்லியன் டொலர் செலவிட்டு இரண்டு முழு தளங்களையும் சொந்தமாக்கினார்.
அத்துடன் துபாயின் உலக வர்த்தக மையம் மற்றும் பாம் ஜுமேரா ஆகியவற்றிலும் சொத்துக்களை அவர் சொந்தமாக்கினார். ஆனால் 2019ல் அவருக்கு நெருக்கடி தொடங்கியது.
பிரித்தானியாவை சேர்ந்த முதலீட்டு ஆய்வு நிறுவனமான Muddy Waters பதிவு செய்த குறுந்தகவல் ஒன்று, பிஆர் ஷெட்டியின் அதுவரையான கோடீஸ்வரர் பிம்பத்தை அசைத்தது. NMC Health நிறுவனத்தின் அதுவரையான நிதி தொடர்பான செயல்பாடுகளை Muddy Waters அம்பலப்படுத்தியது.
இதன் தொடர்ச்சியாக தனது நிதி நிறுவனமான Finablr Plc-ஐ விற்க முடிவு செய்தார் பிஆர் ஷெட்டி. இந்த நிறுவனத்தின் மதிப்பு 2 பில்லியன் அமெரிக்க டொலர் என இருந்த நிலையில், ஒரு இஸ்ரேலிய - அமீரக நிறுவனத்திடம் வெறும் 1 டொலருக்கு (அப்போது 74 ரூபாய்) விற்றுள்ளார்.
நிதி முறைகேடுகளில் ஈடுபட்ட ஷெட்டி, இறுதியில் ஐக்கிய அமீரகத்தில் தமது மொத்த சொத்துக்களையும் விற்றுவிட்டு இந்தியாவுக்கு தப்ப வேண்டிய கட்டாயத்திற்கு தள்ளப்பட்டார். தற்போதும் அவரை ஐக்கிய அமீரகத்திடம் ஒப்படைக்க வேண்டும் என்ற நீதிமன்ற ஆணை நிலுவையில் உள்ளது என்றே கூறப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 11ம் வட்டாரம், புங்குடுதீவு 8ம் வட்டாரம், Toronto, Canada
21 May, 2024
புங்குடுதீவு 5ம் வட்டாரம், மானிப்பாய், வண்ணார்பண்ணை, Vaughan, Canada
05 Jun, 2025
Kuala Lumpur, Malaysia, மட்டுவில், கிளிநொச்சி, Scarborough, Canada
19 Jun, 2024
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
புங்குடுதீவு 11ம் வட்டாரம், London, United Kingdom, அரியாலை
19 May, 2024
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
