ChatGPT-யில் தேடிய விடயம்... இளைஞர் செய்த கொடுஞ்செயல்: தந்தை வெளியிட்ட பின்னணி

Massachusetts teenager killed his mother and brother: தனது தாயையும் சகோதரனையும் கொலை செய்வதற்கு, ChatGPT-ஐப் பயன்படுத்திய மாசசூசெட்ஸைச் சேர்ந்த ஒரு பதின்ம வயது இளைஞன்.

தனது தாயையும் சகோதரனையும் கொலை செய்வதற்கு முன்னதாக, ChatGPT-ஐப் பயன்படுத்தியதாகக் கூறப்படும் மசாசூசெட்ஸைச் சேர்ந்த பதின்ம வயது இளைஞர் ஒருவர், நீதிமன்ற விசாரணையை எதிர்கொள்ள இருக்கிறார்.

இணையச் செயல்பாடுகள்

ஆக்டனில் உள்ள தங்கள் குடியிருப்பில், தனது தாயார் சுதா வெங்கடேசன் (45) மற்றும் தம்பி சித்தார்த் அரவிந்த் (14) ஆகியோரைக் கொன்றதாகக் குற்றம் சாட்டப்பட்ட 17 வயதான அர்ஜுன் அரவிந்த், வியாழக்கிழமை அன்று கான்கார்ட் மாவட்ட நீதிமன்றத்தில் ஆஜர்படுத்தப்பட்டார்.

செவ்வாய்க்கிழமை கொலை நடந்த சிறிது நேரத்திலேயே அரவிந்த், தான் பணிபுரிந்த ஸ்டாப் & ஷாப் கடைக்குச் சென்று 2,000 டொலருக்கும் அதிகமான தொகைக்கு தானிய உணவுகள் மற்றும் எனர்ஜி பார்களை வாங்கியதாக காவல்துறை அறிக்கையில் குற்றம் சாட்டப்பட்டுள்ளது.

காவல்துறை அறிக்கையின் அடிப்படையில், தனது தாய்க்குச் சொந்தமானதாகக் கருதப்படும் கிரெடிட் கார்டை அரவிந்த் பயன்படுத்தியுள்ளார். அவர் அந்த எனர்ஜி பார்களை மீண்டும் விற்பனை செய்யத் திட்டமிட்டிருந்ததாகக் கூறப்படுகிறது.

அரவிந்த் தனது குடும்ப வீட்டிலிருந்து எடுத்துச் சென்றதாக விசாரணை அதிகாரிகளால் கண்டறிந்த தனது தாயின் 2014 மாடல் ஹோண்டா அக்கார்ட் (Honda Accord) காரின் உள்ளே, புதன்கிழமை அதிகாலை சுமார் 3:40 மணியளவில் தூங்கிக்கொண்டிருந்த நிலையில் கண்டுபிடிக்கப்பட்டதாக அரசுத் தரப்பு சட்டத்தரணிகள் தெரிவித்துள்ளனர்.

அரவிந்தின் தந்தையான சுகுமாரன் அரவிந்த், தனது மகனின் அண்மைய கவலைக்குரிய இணையச் செயல்பாடுகள் காரணமாகவே குடும்பத்தினர் கத்தி போன்ற ஆபத்தானப் பொருட்களை அவனிடமிருந்து மறைத்து வைத்திருந்ததாக விசாரணை அதிகாரிகளிடம் தெரிவித்தார்.

பிரித்தானியாவில் உள்ள தங்களின் டன் கணக்கான தங்கத்தைத் திருப்பிக் கேட்கும் நாடு

மேலும், தனது குடும்பத்தினரைக் கொல்வது தொடர்பான கோட்பாட்டு ரீதியான கருத்துக்கள் மற்றும் கற்பனைகள் குறித்து அரவிந்த் ChatGPT-யில் தேடியதாக அவனது தந்தை காவல்துறையிடம் தெரிவித்ததாக அதிகாரிகள் குறிப்பிட்டுள்ளனர்.

ஆக்டன்-பாக்ஸ்பரோ உயர்நிலைப் பள்ளியில் இறுதியாண்டுக்கு முந்தைய வகுப்பில் பயின்று வரும் அரவிந்திற்கு, நடத்தை சார்ந்த சிக்கல்கள் இருந்ததாகவும், அவருக்கு ஆட்டிசம் (autism) இருப்பது கண்டறியப்பட்டிருந்ததாகவும் அவரது தந்தை கூறியதாகத் தெரிகிறது.

பொலிஸ் அறிக்கையில், முந்தைய சில நடத்தைகள் காரணமாக தனது மகன் செல்போன் வைத்திருப்பதற்குத் தடை விதிக்கப்பட்டிருந்ததாகவும் அவர் விசாரணை அதிகாரிகளிடம் தெரிவித்துள்ளார்.

மனநலப் பரிசோதனை

கொலை நடந்த நாளன்று காலை 8 மணிக்குச் சற்று முன்பு, பெற்றோர்களைக் கொல்வது போன்ற ஒரு சூழலை உருவாக்க அரவிந்த் ChatGPT-ஐப் பயன்படுத்தியதாகக் கூறப்படுகிறது.

அரவிந்த் மீது இரண்டு கொலைக் குற்றச்சாட்டுகள், குடும்ப அல்லது வீட்டு உறுப்பினர் மீதான தாக்குதல் மற்றும் உடல்ரீதியான துன்புறுத்தல் தொடர்பான தலா இரண்டு குற்றச்சாட்டுகள், அத்துடன் அனுமதியின்றி வாகனத்தைப் பயன்படுத்தியது மற்றும் மோட்டார் வாகனத்தைத் திருடியது ஆகிய குற்றச்சாட்டுகள் சுமத்தப்பட்டுள்ளன.

செவ்வாய்க்கிழமை மாலை சுமார் 6:30 மணியளவில், அரவிந்தின் தந்தை காவல்துறையைத் தொடர்புகொண்டு, தங்கள் வீட்டில் உள்ளவர்களின் நலனைச் சரிபார்க்குமாறு கேட்டுக்கொண்டார்.

கோரிக்கையை அடுத்து பொலிசார் அந்தக்குடும்பத்தின் மார்த்தா லேன் (Martha Lane) இல்லத்திற்கு வந்து, அந்த அதிர்ச்சி சம்பவத்தைக் கண்டறிந்தனர்.

அரவிந்த் எவ்வாறு அந்தப் படுகொலைகளைச் செய்தார் என்று அரசுத் தரப்பு சட்டத்தரணிகள் இன்னும் உறுதி செய்யவில்லை. சித்தார்த்துக்குத் தலையில் பலத்த காயம் ஏற்பட்டிருந்ததாகவும், சுதா வெங்கடேசனுக்குத் தலை, முகம் மற்றும் வயிற்றுப் பகுதிகளில் காயங்கள் ஏற்பட்டிருந்ததாகவும் காவல்துறையினர் தெரிவித்தனர்.

இந்த நிலையில், அவரை ஜாமீன் இன்றி சிறையில் அடைக்க உத்தரவிடப்பட்டுள்ளது; செப்டம்பர் 11-அன்று மீண்டும் நீதிமன்றத்தில் ஆஜர்படுத்தப்படுவதற்கு முன்னதாக, அவருக்கு மனநலப் பரிசோதனை நடத்தப்படவுள்ளது.