லங்காசிறி FM
3 வெளிநாட்டு சுற்றுலா பயணிகள் கொல்லப்பட்ட சம்பவம்: 3 பேருக்கு தண்டனையை உறுதி செய்த மெக்சிகோ நீதிமன்றம்
Mexico Court Convicts 3 in murders of Australian: மெக்ஸிகோவில் வெளிநாட்டு சுற்றுலாப் பயணிகளை சுட்டுக் கொன்ற சம்பவத்தில் 3 பேருக்கு நீதிமன்றம் தண்டனை வழங்கியுள்ளது.
மெக்சிகோ நீதிமன்றத்தின் தீர்ப்பு
கடந்த 2024ம் ஆண்டு மெக்ஸிகோவில் 2 அவுஸ்திரேலிய சகோதரர்கள் மற்றும் அமெரிக்க சுற்றுலா பயணிகளிடம் இருந்து கொள்ளையடிக்க மேற்கொள்ளப்பட்ட முயற்சியின் போது அவர்கள் சுட்டுக் கொல்லப்பட்ட சம்பவம் சர்வதேச அளவில் பரபரப்பை ஏற்படுத்தி இருந்தது.
இந்த சம்பவத்தில் அவுஸ்திரேலியாவை சேர்ந்த ஜாக் ராபின்சன்(30), காலும் ராபின்சன்(33) மற்றும் அவர்களின் அமெரிக்க நண்பரான கார்ட்டர் ரோட்(30) மூவரும் உயிரிழந்தனர்.
இவர்கள் மெக்சிகோவின் பாஹா கலிபோர்னியா பகுதியில் சர்பிங் செய்வதற்காக சுற்றுலா சென்றிருந்த போது அங்கு வந்த ஆயுதமேந்திய மர்ம கும்பல் நடத்திய தாக்குதலில் கொல்லப்பட்டனர்.
கொள்ளையடிக்கும் முயற்சியில் மேற்கொள்ளப்பட்ட இந்த அடாவடி பின்னர் வன்முறையாக மாறி 3 இளைஞர்கள் துப்பாக்கிச் சூட்டிற்கு உள்ளாகி பலியானதாக புலனாய்வு அதிகாரிகள் விசாரணைக்குப் பிறகு தெரிவித்தனர்.
இந்த கொலை சம்பவம் தொடர்பாக கைது செய்யப்பட்ட மூவரும் மெக்சிகோ நீதிமன்றத்தில் விசாரணைக்காக ஆஜர்படுத்தப்பட்ட நிலையில், அவர்கள் மீதான கொலை குற்றச்சாட்டு உறுதி செய்யப்பட்டுள்ளது.
கொலைக்கான தண்டனை விவரங்கள் இன்னும் வெளியாகவில்லை. ஆனால் மெக்சிகோவில் அதிகபட்சமாக 60 ஆண்டுகள் சிறைத் தண்டனை விதிக்கப்படும் நிலையில், கொலை குற்றத்தில் ஈடுபட்ட மூவருக்கும் தலா 210 ஆண்டுகள் முன்மாதிரியான சிறை தண்டனை விதிக்கப்பட வேண்டும் என்று அரசு தரப்பு நீதிமன்றத்தில் கோரிக்கை விடுத்துள்ளது.
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
கரவெட்டி மேற்கு, Lewisham, United Kingdom
12 Sep, 2003
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
