லங்காசிறி FM
MH370 விமான மர்மம்: 12 ஆண்டுகள் கழித்தும் தேடுதல் நடத்த கோரிக்கை
மலேசியா ஏர்லைன்ஸ் MH370 விமானம் காணாமல் போனது இன்று வரை உலகின் மிகப்பெரிய விமான மர்மங்களில் ஒன்றாகவே உள்ளது.
2014 மார்ச் 8 அன்று, 227 பயணிகள் மற்றும் 12 பணியாளர்களுடன், கோலாலம்பூரில் இருந்து பீஜிங்கிற்கு புறப்பட்ட போயிங் 777 விமானம் திடீரென தொடர்பை இழந்தது.
தெற்கு இந்தியப் பெருங்கடலில் பல்வேறு தேடல்கள் நடத்தப்பட்டாலும், இதுவரை விமானத்தின் சிதைவுகள் கண்டுபிடிக்கப்படவில்லை.
2025-ல் மலேசிய அரசு, “Ocean Infinity” எனும் ஆழ்கடல் ஆய்வு நிறுவனத்துடன் “No find, No fee” என்ற ஒப்பந்தத்தில் தேடலை மீண்டும் தொடங்கியது.
விமான சிதைவுகள் கண்டுபிடிக்கப்பட்டால் மட்டுமே 70 மில்லியன் டொலர் வழங்கப்படும் என ஒப்பந்தம் செய்யப்பட்டது.
ஆனால், கடந்த இரண்டு தேடுதல் கட்டங்களிலும் 7,571 சதுர கிலோமீட்டர் கடலடிப் பகுதி ஆய்வு செய்யப்பட்டும் எந்தவித முடிவும் கிடைக்கவில்லை.
இந்நிலையில், MH370 பயணிகளின் குடும்பங்களை பிரதிநிதித்துவப்படுத்தும் “Voice370” அமைப்பு, ஒப்பந்தம் ஜூன் மாதத்தில் முடிவடைவதற்கு முன் தேடுதலை நீட்டிக்க வேண்டும் என மலேசிய அரசிடம் வலியுறுத்தியுள்ளது.
தென் அரைக்கோளத்தில் குளிர்காலம் தொடங்குவதால், கடல் நிலைமை மோசமடைந்து தேடுதல் பணி தற்காலிகமாக நிறுத்தப்பட்டுள்ளது. எனவே, ஒப்பந்தத்தை நீட்டிப்பது அவசியம் என குடும்பங்கள் கோருகின்றன.
மலேசிய விமான விபத்து விசாரணை ஆணையம் (AAIB) தேடுதல் முடிவுகளை தொடர்ந்து குடும்பங்களுக்கு அறிவிப்பதாக தெரிவித்துள்ளது. ஆனால், 2018-ல் வெளியிடப்பட்ட விசாரணை அறிக்கையில், விமானம் திட்டமிட்டு பாதை மாற்றப்பட்டிருக்கலாம் என்ற சாத்தியத்தை நிராகரிக்கவில்லை.
12 ஆண்டுகள் கடந்தும் MH370 மர்மம் தீராத நிலையில், குடும்பங்கள் “ஒரு எளிய ஒப்பந்த நீட்டிப்பு மூலம் தேடுதலை தாமதமின்றி தொடர முடியும்” என வலியுறுத்துகின்றன. உலகம் முழுவதும் விமானப் பாதுகாப்பு வரலாற்றில் MH370 இன்னும் விடைகிடைக்காத கேள்வியாகவே உள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 6ம் வட்டாரம், புங்குடுதீவு 3ம் வட்டாரம், Southgate, United Kingdom
08 Mar, 2016
நெடுந்தீவு மேற்கு 4ம் வட்டாரம், நெடுந்தீவு, பிரான்ஸ், France, London, United Kingdom, நல்லூர்
09 Feb, 2026
Ittavil, எழுதுமட்டுவாள், திருகோணமலை, London, United Kingdom
07 Mar, 2023
புங்குடுதீவு 11ம் வட்டாரம், புங்குடுதீவு 3ம் வட்டாரம், London, United Kingdom
08 Mar, 2021
