நடுவானில் அடித்துக்கொண்ட பயணிகள் - லண்டன் டு வங்காளதேச விமானத்தில் பரபரப்பு

Mid-air fight shocks London to Bangladesh flight passengers: நடுவானில் விமானத்தில் இரு பயணிகள் அடிதடி சண்டை போட்டுக்கொண்ட வீடியோ வெளியாகியுள்ளது.

இரண்டு பயணிகள் இடையே அடிதடி சண்டை

லண்டனில் இருந்து வங்காளதேசம் நோக்கி பிமான் பங்களாதேஷ் ஏர்லைன்ஸ் விமானம் புறப்பட்டு சென்றுகொண்டிருந்தபோது, இரண்டு பயணிகள் இடையே கடும் வாக்குவாதம் ஏற்பட்டது. அந்த வாக்குவாதம் சில நிமிடங்களில் உடல் ரீதியான மோதலாக மாறி, விமானத்தின் உள்ளே பரபரப்பை ஏற்படுத்தியது.

AIRPLANE BRAWL: Two male passengers got into a physical fight aboard a Biman Bangladesh Airlines flight from London to Bangladesh after an argument escalated, frightening nearby passengers, including children and elderly travelers.

Cabin crew and other passengers stepped in and… pic.twitter.com/q1ZAqvZuY6

— Breaking911 (@Breaking911) September 17, 2026

சமூக ஊடகங்களில் பரவி வரும் வீடியோவில், இருவரும் முதலில் வாக்குவாதத்தில் ஈடுபட்டதைத் தொடர்ந்து, ஒருவரை ஒருவர் தாக்கிக் கொண்டிருப்பது தெளிவாகக் காணப்படுகிறது.

சண்டையின் போது, ஒருவரின் டி-ஷர்ட் கிழிந்தது. இந்த சம்பவம் நடந்தபோது, விமானத்தில் இருந்த மற்ற பயணிகள், குறிப்பாக குழந்தைகள் மற்றும் முதியவர்கள், கடும் பதற்றத்திற்கு உள்ளானார்கள்.

ஐரோப்பிய ஒன்றியத்தின் முதல் இணை உறுப்பினராக கனடாவிற்கு அழைப்பு

சண்டை நீண்டுகொண்டிருந்த நிலையில், விமான பணியாளர்கள் மற்றும் பிற பயணிகள் இடைமறித்து, இருவரையும் பிரித்தனர்.

சம்பவம் நடந்த காரணம் தெளிவாக தெரியவில்லை. மேலும், சம்பவத்திற்குப் பிறகு அந்த பயணிகளுக்கு எதிராக எந்த நடவடிக்கை எடுக்கப்பட்டது என்பது பற்றிய தகவலும் வெளிவரவில்லை.

பிமான் பங்களாதேஷ் ஏர்லைன்ஸ் பொது தொடர்பு மேலாளர் மஹ்புபுத்தீன் அஹ்மத், இந்த சம்பவம் குறித்து தமக்கு தகவல் இல்லை என்று தெரிவித்தார்.

கணவரின் சிறிய தவறால் லொட்டரியில் ரூ.4.5 கோடி வென்ற பெண்

இந்த சம்பவம் விமானப் பயணங்களில் பாதுகாப்பு குறித்த கேள்விகளை எழுப்பியுள்ளது. பயணிகள் இடையே ஏற்படும் சண்டைகள், விமானத்தில் உள்ள அனைவரின் உயிருக்கும் ஆபத்தை ஏற்படுத்தக்கூடியவை என்பதால், விமான நிறுவனங்கள் பாதுகாப்பு நடவடிக்கைகளை மேலும் வலுப்படுத்த வேண்டும் என்ற கோரிக்கைகள் எழுந்துள்ளன.