லங்காசிறி FM
புலம்பெயர்ந்தவர்கள் படகு கவிழ்ந்து விபத்து: 100க்கும் மேற்பட்டோர் உயிரிழப்பு
Migrant Vessal Capsizes in Djibouti Over 100 Dead: ஜிபூட்டி நாட்டிற்கு அருகே அகதிகள் படகு கவிழ்ந்த விபத்தில் 100க்கும் மேற்பட்டோர் உயிரிழந்துள்ளனர்.
புலம்பெயர்ந்தவர்கள் படகு கவிழ்ந்ததில் 109 பேர் பலி
வடகிழக்கு ஆப்பிரிக்க நாடான ஜிபூட்டி(Djibouti) அருகே ஓபோக் என்ற பகுதியில் அதிகப்படியான அகதிகளை ஏற்றி வந்த படகு நள்ளிரவில் கவிழ்ந்து விபத்தில் சிக்கியது.
இந்த சம்பவத்தில் கிட்டத்தட்ட 109 பேர் உயிரிழந்து இருப்பதாக ஐக்கிய நாடுகளின் சர்வதேச புலம்பெயர்ந்தோர் அமைப்பு (IOM) தகவல் தெரிவித்துள்ளது.
பாப் எல் மண்டேப் நீரிணை வழியாக கிட்டத்தட்ட 350 பயணிகளுடன் சென்ற இந்த படகு ஏமன் நாட்டை நோக்கி சென்று கொண்டிருந்த போது விபத்தில் சிக்கியது.
80 பேர் வரை இதுவரை உயிருடன் மீட்கப்பட்டுள்ளனர். சுமார் 116 கடலில் மூழ்கி காணாமல் போய் இருப்பதாக தகவல் வெளியாகியுள்ளது.
உயிரிழந்தவர்களில் 52 பேர் ஆண்கள், 42 பேர் பெண்கள் மற்றும் 15 பேர் குழந்தைகள் என தெரியவந்துள்ளது.
அத்துடன் உயிருடன் மீட்கப்பட்டவர்கள் அனைவரும் எத்தியோப்பிய நாட்டை சேர்ந்தவர்கள் என தகவல் தெரிவிக்கப்பட்டுள்ளது.
விபத்து நடந்த பகுதியை சுற்றி தீவிர தேடுதல் வேட்டையானது நடைபெற்று வருகிறது. நேரம் ஓடிக் கொண்டு இருப்பதால் மாயமானவர்களை உயிருடன் மீட்பதற்கான சாத்தியங்கள் குறைந்து கொண்டே வருவதாக அதிகாரிகள் கவலை தெரிவித்துள்ளனர்.
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
