லங்காசிறி FM
சவுதி தூதருடன் தொடர்பு.,ஊடகங்களில் பரவிய வீடியோ: பங்களாதேஷ் மாடல் மேக்னா ஆலம் அதிரடி கைது!
வெளிநாட்டு தூதருடன் தொடர்பு வைத்திருந்ததாக தெரிவித்த பங்களாதேஷ் மாடல் மேக்னா ஆலம் கைது செய்யப்பட்டு இருப்பது பரபரப்பை ஏற்படுத்தியுள்ளது.
பங்களாதேஷ் மாடல் மேக்னா ஆலம் கைது
2020 ம் ஆண்டு உலக அழகி பங்களாதேஷ் பட்டத்தை வென்ற பிரபல மாடல் மேக்னா ஆலம் ஏப்ரல் 9ஆம் திகதி டாக்கா காவல்துறை சிறப்பு அதிகாரச் சட்டத்தின் கீழ் கைது செய்யப்பட்டது பங்களாதேஷில் பெரும் அதிர்வலைகளை ஏற்படுத்தியுள்ளது.
அவர் மீது "பொது பாதுகாப்பு, சட்டம் மற்றும் ஒழுங்குக்கு அச்சுறுத்தல்" ஏற்படுத்தியதாக குற்றம் சாட்டப்பட்டது.
திருமணமான வெளிநாட்டு தூதருடன் தொடர்பு வைத்திருந்ததாகவும், அந்த தூதர் சட்ட அமலாக்க முகமைகளின் உதவியுடன் தன்னை அமைதிப்படுத்த முயன்றதாகவும் மேக்னா ஆலம் பகிரங்கமாக குற்றம் சாட்டியதை அடுத்து இந்த கைது நடவடிக்கை மேற்கொள்ளப்பட்டுள்ளது.
மேக்னா ஆலம் குற்றச்சாட்டுகள் மற்றும் பரபரப்பு பேட்டி
மிஸ் பங்களாதேஷ் அறக்கட்டளையின் தலைவராக இருக்கும் மேக்னா ஆலம், தனது குற்றச்சாட்டுகளை சமூக ஊடகங்கள் மூலம் வெளிப்படுத்தியுள்ளார்.
நீக்கப்பட்ட அவரது பேஸ்புக் பதிவுகளில், திருமணமான தூதர் ஒருவர் தனது குரலை அடக்க முயற்சித்ததாக குறிப்பிட்டு இருந்தார்.
அவரை தொடர்ந்து ஆலமின் தந்தை பத்ருல் ஆலம், டாக்காவில் உள்ள அப்போதைய சவுதி தூதருடன் தனது மகள் உறவில் இருந்ததாகவும், அவரது குடும்பம் காரணமாக திருமண முன்மொழிவை நிராகரித்ததாகவும் டான் செய்திக்கு தெரிவித்துள்ளார்.
கைது செய்யப்படுவதற்கு முன்பு, மேக்னா ஆலம் பேஸ்புக்கில் இது தொடர்பான நேரடி வீடியோவை ஒளிபரப்பி இருந்தது குறிப்பிடத்தக்கது.
கடத்தல் வதந்தி மற்றும் காவல்துறை விளக்கம்
இந்த நேரடி ஒளிபரப்பு திடீரென நிறுத்தப்பட்டதும், அவரது கைது குறித்து 24 மணி நேரம் அதிகாரப்பூர்வமாக அமைதி நிலவியதும், மேக்னா ஆலம் கடத்தப்பட்டிருக்கலாம் என்ற ஊகங்களுக்கு வழிவகுத்தது.
இருப்பினும், டாக்கா பெருநகர காவல்துறை பின்னர் அவரது கைது நடவடிக்கையை உறுதி செய்தது.
அதிகாரப்பூர்வ கூற்றுகள் இருந்தபோதிலும், மேக்னா ஆலமின் கைது சட்டப்பூர்வமானதா என்பது குறித்து கவலைகள் எழுப்பப்பட்டுள்ளன.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
