தாய் கொலை செய்யப்பட்டதையடுத்து...முதலையின் வாயில் இருந்த மீட்கப்பட்ட 2 வயது சிறுவனின் உடல்
அமெரிக்காவின் புளோரிடாவில் காணாமல் போன 2 வயது சிறுவனின் உடல், முதலை ஒன்றில் வாயிலிருந்து இருந்து மீட்கப்பட்டுள்ளது.
முதலையின் வாயில் இருந்த சிறுவனின் உடல்
அமெரிக்காவின் புளோரிடாவில் காணாமல் போன டெய்லன் மோஸ்லி (Taylen Mosley)என்ற 2 வயது சிறுவனின் உடல், முதலை ஒன்றின் வாயில் இருந்து கண்டெடுக்கப்பட்டு இருப்பது அதிர்ச்சியை ஏற்படுத்தியுள்ளது.
மேகியோர் ஏரியில் (Lake Maggiore) முதலை ஒன்றின் வாயில் வித்தியாசமான பொருள் ஒன்று இருப்பதை பார்த்த அதிகாரிகள், முதலையை சுட்டு பிடித்து பார்த்ததில் முதலையின் வாயில் இருப்பது காணாமல் போன சிறுவன் டெய்லன் மோஸ்லி என்பதை உறுதிப்படுத்தினர்.
Istock
டெய்லன் மோஸ்லி உயிரிழப்பு குறித்து விசாரணை நடந்து வருவதாக பொலிஸ் அதிகாரிகள் தெரிவித்துள்ளனர்.
கடந்த வியாழக்கிழமை புளோரிடாவில் உள்ள அடுக்குமாடி குடியிருப்பு ஒன்றில் சிறுவனின் தாயார் பஷூன் ஜெஃப்ரி(Pashun Jeffery, 20) கத்தியால் குத்தப்பட்டு இறந்து கிடந்ததை தொடர்ந்து, சிறுவனின் தொடர்பான தேடல் பரந்த அளவில் நடத்தப்பட்டது.
பஷூன் ஜெஃப்ரி-யை தொடர்பு கொள்ள முடியவில்லை என்ற கவலையில் அவரது உறவினர் அடுக்குமாடி குடியிருப்புக்கு சென்று போது ஜெஃப்ரி குத்தப்பட்டு உயிரிழந்து கிடப்பதை பார்த்து அதிர்ச்சியடைந்துள்ளார்.
St. Petersburg Police Department
இதையடுத்து சம்பவ இடத்திற்கு வந்த பொலிஸார், பஷூன் ஜெஃப்ரி கொலை செய்யப்பட்டது குறித்தும், அவரது காணாமல் போயிருந்த 2 வயது மகன் டெய்லன் மோஸ்லி குறித்தும் விசாரணையை தொடங்கினர்.
கைது செய்யப்பட்ட சிறுவனின் தந்தை
இந்நிலையில் அக்கம்பக்கத்தினரிடம் அதிகாரிகள் நடத்திய விசாரணையில், கொலை சம்பவத்திற்கு முந்தைய நாள் இரவு சிறுவன் மோஸ்லி-யின் தந்தை அடுக்குமாடி குடியிருப்புக்கு வந்ததாகவும், அதன் பின்பே கூச்சல் சத்தங்கள் கேட்டதாகவும் தெரிவித்துள்ளனர்.
அத்துடன் இறுதியில் சிறுவன் மோஸ்லி-யின் தந்தை கையில் வெட்டுகளுடன் குடியிருப்பை விட்டு வெளியேறியதாகவும், பின் பரிசோதனைகளுக்காக அவரே மருத்துவமனைக்கு சென்றதாகவும் தெரிவித்துள்ளார்கள்.
St. Petersburg Police Department
இதனடிப்படையில் தந்தை தாமஸ் மோஸ்லி-யை பொலிஸார் கைது செய்து விசாரணை நடத்தி வருகின்றனர்.
இதற்கிடையில் சிறுவன் எவ்வாறு முதலையிடம் சிக்கி உயிரிழந்தான் என்பது குறித்தும் பொலிஸ் அதிகாரிகள் விசாரணை நடத்தி வருகின்றனர்.
wtsp