லங்காசிறி FM
மொஜ்தபா கமேனியின் புதிய வீடியோவை வெளியிட்டுள்ள ஈரான்
Mojtaba Khamenei new Video: மொஜ்தபா கமேனியின் புதிய வீடியோ வெளியாகியுள்ளது.
செய்தி நிறுவனம் வெளியிட்ட வீடியோ
அமெரிக்கா-ஈரான் இடையே நடந்து வரும் போருக்கு இடையில், ஈரான் அரசின் கட்டுப்பாட்டில் உள்ள மேஹ்ர் செய்தி நிறுவனம், புதிய உச்சத் தலைவர் மொஜ்தபா கமேனியின் வீடியோவை வெளியிட்டுள்ளது.
Iran’s Mehr RELEASES VIDEO of Supreme Leader Mojtaba Khamenei for ‘FIRST TIME’ pic.twitter.com/v3Rp81VfLH
— RT (@RT_com) August 8, 2026
கடந்த பிப்ரவரி 28-ஆம் திகதி அமெரிக்கா மற்றும் இஸ்ரேல் நடத்திய விமானத் தாக்குதலில் அவரது தந்தையும், ஈரானின் முன்னாள் உச்சத் தலைவருமான அலி கமேனி உயிரிழந்தார். அதே தாக்குதலில் மொஜ்தபா கமேனியின் முகம் மற்றும் காலில் கடுமையான காயம் ஏற்பட்டதாக தகவல்கள் வெளியாகியிருந்தன.
இந்த வீடியோ 12 விநாடிகள் மட்டுமே உள்ளது. அதில், கருப்பு துர்பன் மற்றும் சாம்பல் நிற ஆடையுடன், வெள்ளை உடை அணிந்து காணப்படும் மொஜ்தபா கமேனி, ஒரு அறைக்குள் கம்பளத்தில் அமர்ந்து, சுற்றியிருந்தவர்களுடன் உரையாடும் காட்சி இடம்பெற்றுள்ளது.
அவர் ஆரோக்கியமாக இருப்பது போல தோன்றினாலும், வீடியோ எப்போது, எங்கு எடுக்கப்பட்டது என்பது தெளிவாக தெரியவில்லை.
இதேபோன்ற ஒரு வீடியோ
மார்ச் மாதம், ஈரான் அரசின் IRIB தொலைக்காட்சி நிறுவனம் இதேபோன்ற ஒரு வீடியோவை வெளியிட்டிருந்தது. ஆனால், அதற்கும் திகதி, இடம் குறித்த தகவல்கள் வெளிப்படையாக வழங்கப்படவில்லை.
🚨 Published for the first time
— IRIB (Islamic Republic of Iran Broadcasting) (@iribnews_irib) March 19, 2026
A video of religious science teaching by Ayatollah Mojtaba Khamenei pic.twitter.com/uFtIvZ0POy
மொஜ்தபா கமேனி மார்ச் 8-ஆம் திகதி ஈரானின் மூன்றாவது உச்சத் தலைவராக நியமிக்கப்பட்டார். ஆனால் அவர் பொதுவெளியில் தோன்றவில்லை. அவரது தந்தையின் இறுதி நிகழ்வுகளிலும் அவர் பங்கேற்கவில்லை. இதனால், அவரது உடல்நிலை குறித்து பல்வேறு சந்தேகங்கள் எழுந்தன.
வதந்திகளை அடக்க முயற்சி
ஈரான் ஜனாதிபதி மசூத் பெசேஷ்கியன், “மொஜ்தபாவுடன் தொடர்பு கொள்ளுவது கடினமாக உள்ளது. ஆனால் அவர் எங்களுக்குப் பெரிய வலிமை. அவர் காட்டும் கருணையும், தெளிவான சிந்தனையும் எங்களுக்கு உதவுகிறது” என்று தெரிவித்துள்ளார்.
இதற்கிடையில், அமெரிக்க ஜனாதிபதி டொனால்டு ட்ரம்ப், “மொஜ்தபா 90 சதவீதம் உயிரிழந்த நிலையில் உள்ளார்” என்று கூறியிருந்தார்.
இஸ்ரேலின் Channel 14 தொலைக்காட்சி, அவர் மோசமான நிலையில் உள்ளார் என்று செய்தி வெளியிட்டது.
இந்த வீடியோ வெளியீடு, ஈரானின் உச்சத் தலைவரின் உடல்நிலை குறித்த வதந்திகளை அடக்க முயற்சியாக பார்க்கப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ் நெடுந்தீவு 12ம் வட்டாரம், Jaffna, நயினாதீவு, London, United Kingdom
02 Aug, 2026
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
