லங்காசிறி FM
அமெரிக்காவை விட இந்த வளைகுடா நாடு... இந்தியர்களை நாடு கடத்தியது அதிகம்
அமெரிக்காவில் ட்ரம்ப் நிர்வாகம் கட்டுப்பாடுகளைக் கடுமையாக்கியுள்ளபோதிலும், இந்த வளைகுடா நாடு அமெரிக்காவை விட அதிக இந்தியர்களை நாடு கடத்தியுள்ளது.
நாடு கடத்தியுள்ளது
இந்தியாவின் வெளிவிவகார அமைச்சகம் வழங்கிய தரவுகளில் இது வெளிச்சத்திற்கு வந்துள்ளது. விசா காலாவதியான பிறகும் தங்கியிருப்பது மற்றும் அதிகமான தொழிலாளர் சட்ட மீறல்கள் என நாட்டிலிருந்து வெளியேற்றுவதற்கான காரணங்களாக கூறப்படுகிறது.
இந்த நிலையில், வெளிவிவகார இணையமைச்சர் கீர்த்தி வர்தன் சிங் அளித்துள்ள விளக்கத்தில், வெளிநாடுகளில் இந்தியர்கள் தடுத்து வைக்கப்படுவதற்கும், நாடு கடத்தப்படுவதற்கும் பல காரணங்களை அவர் பட்டியலிட்டுள்ளார்.
விசா அல்லது குடியுரிமை காலாவதியின் செல்லுபடியாகும் காலத்தை மீறி தங்கியிருப்பது, பணி அனுமதி இல்லாமல் வேலை செய்வது, தொழிலாளர் விதிமுறைகளை மீறுவது, முதலாளியிடம் இருந்து தப்பி ஓடுவது மற்றும் சிவில் அல்லது குற்றவியல் வழக்குகளை எதிர்கொள்வது உள்ளிட்டவை என குறிப்பிட்டுள்ளார்.
இந்திய அரசாங்கம் அளித்துள்ள விளக்கத்தில், 2021 முதல் 2025 வரையிலான காலகட்டத்தில், உலகிலேயே அதிக எண்ணிக்கையிலான இந்தியர்களை சவுதி அரேபியா நாடு கடத்தியுள்ளது.
கணிசமாகக் குறைவு
2021-ல் 8,887 இந்தியர்கள் நாடு கடத்தப்பட்டனர், அதைத் தொடர்ந்து 2022-ல் 10,277 பேர், 2023-ல் 11,486 பேர் மற்றும் 2024-ல் 9,206 பேர் நாடு கடத்தப்பட்டனர்.
2025 ஆம் ஆண்டின் இதுவரையான நிலவரப்படி, 7,019 பேர் நாடு கடத்தப்பட்ட சம்பவங்கள் பதிவு செய்யப்பட்டுள்ளன. ஆனால், அமெரிக்காவிலிருந்து இந்தியர்கள் நாடு கடத்தப்படும் எண்ணிக்கை கணிசமாகக் குறைவாகவே உள்ளது.
அமெரிக்காவில் இருந்து நாடு கடத்தப்பட்ட இந்தியர்கள், 2021-ல் 805 பேர், 2022-ல் 862 பேர், 2023-ல் 617 பேர், 2024-ல் 1,368 பேர் மற்றும் 2025-ல் 3,414 பேர் என இந்தியாவின் வெளிவிவகார அமைச்சகம் தெரிவித்துள்ளது.
இந்தியர்களை அதிக எண்ணிக்கையில் நாடுகடத்திய மற்ற நாடுகளில் மியான்மர் (1,591), ஐக்கிய அரபு அமீரகம் (1,469), பஹ்ரைன் (764), மலேசியா (1,485), தாய்லாந்து (481) மற்றும் கம்போடியா (305) உள்ளிட்டவை அடங்கும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
புங்குடுதீவு 7ம் வட்டாரம், வேலணை 5ம் வட்டாரம், Markham, Canada
25 Dec, 2025
நயினாதீவு 6ம் வட்டாரம், யாழ்ப்பாணம், Mississauga, Canada
31 Dec, 2022
புங்குடுதீவு 11ம் வட்டாரம், புங்குடுதீவு 2ம் வட்டாரம், Hannover, Germany
28 Dec, 2022
அனலைதீவு 3ம் வட்டாரம், சங்கானை, யாழ்ப்பாணம், கொழும்பு, Scarborough, Canada
21 Dec, 2025
