உலகின் மிக விலையுயர்ந்த நகரம்! பாரிஸ், சூரிச்சை பின்னுக்கு தள்ளி முதலிடம்

Israel Zurich Paris Tel Aviv Most Expensive City

By Ragavan Dec 01, 2021 07:58 PM GMT

Ragavan

in சர்வதேசம்

Report

பாரிஸ், சூரிச் உள்ளிட்ட நகரங்களை பின்னுக்கு தள்ளி டெல் அவிவ் உலகின் மிகவும் விலையுயர்ந்த நகரமாக முதலிடத்தைப் பிடித்துள்ளது.

Economist Intelligence Unit-ன் (EIU) அறிக்கையின்படி, கடந்த ஆண்டு 5-வது இடத்திலிருந்த இஸ்ரேலின் தலைநகரான டெல் அவிவ் (Tel Aviv), வாழ்வதற்கு உலகின் மிக விலையுயர்ந்த நகரமாக தரவரிசையில் முதலிடத்தைப் பிடத்துள்ளது.

உலகளாவிய வாழ்க்கைச் செலவுக் குறியீடு (Worldwide Cost of Living index) மூன்று தசாப்தங்களாக எகனாமிஸ்ட் இன்டலிஜென்ஸ் யூனிட்டால் (EIU) பராமரிக்கப்படுகிறது.

2020-ஆம் ஆண்டில், உலகின் மிக விலையுயர்ந்த நகரமாக பாரிஸ் முத்லிடத்தைப் பிடித்திருந்தது, அதைத் தொடர்ந்து சிங்கப்பூர், சுவிட்சர்லாந்தின் சூரிச் மற்றும் ஹொங்ஹொங் நகரங்கள் இருந்தன.

இம்முறை, முதல் முறையாக Tel Aviv முதலிடத்தில் உள்ளது, இதற்கு காரணம், டொலருக்கு எதிராக இஸ்ரேலிய ஷேக்கலின் வலுவான நிலைப்பாடு மற்றும் நகரத்தில் போக்குவரத்து மற்றும் மளிகை விலைகள் அதிகரிப்புகள் தான் என EIU கூறுகிறது.

உலகின் மிக விலையுயர்ந்த நகரம்! பாரிஸ், சூரிச்சை பின்னுக்கு தள்ளி முதலிடம் | Most Expensive City In The World Tel Aviv Israel Photo: Reuters

குறியீட்டில் அதிக உயர்வைக் கண்ட நகரம் ஈரானின் தலைநகரான தெஹ்ரான் ஆகும். ஏனெனில் இது 2020-ல் 70 வது இடத்திலிருந்து 50 இடங்கள் முன்னேறி இப்போது 29-வது இடத்தில் உள்ளது.

உலகின் மிக விலையுயர்ந்த நகரங்களின் டாப் 10 பட்டியல் கீழே கொடுக்கப்பட்டுள்ளது

10 - ஒசாகா, ஜப்பான்

9 - லாஸ் ஏஞ்சல்ஸ், கலிபோர்னியா

8 - கோபன்ஹேகன், டென்மார்க்ரேங்க்

7 - ஜெனீவா, சுவிட்சர்லாந்து

6 - நியூயார்க் நகரம், நியூயார்க்

5 - ஹாங்காங்

4 - சூரிச், சுவிட்சர்லாந்து

3 - சிங்கப்பூர்

2 - பாரிஸ், பிரான்ஸ்

1 - டெல் அவிவ், இஸ்ரேல்

மேலும் சர்வதேசம் செய்திகளைப் படிக்க இங்கே அழுத்தவும்