லங்காசிறி FM
ஆனந்த் ரூபத்தில் எனது தந்தையை பார்க்கிறேன்., உணர்ச்சி பொங்க பேசிய முகேஷ் அம்பானி
மகன் ஆனந்த் அம்பானியின் திருமண கொண்டாட்டத்தில் பேசிய முகேஷ் அம்பானி, தனது இளைய மகனில் தந்தை திருபாயை பார்ப்பதாக கூறியுள்ளார்.
ஆசியாவின் பணக்கார தொழிலதிபரும், ரிலையன்ஸ் இண்டஸ்ட்ரீஸ் தலைவருமான முகேஷ் அம்பானியின் இரண்டாவது மகன் ஆனந்தின் திருமணத்திற்கு முந்தைய கொண்டாட்டங்கள் குஜராத் மாநிலம் ஜாம்நகரில் மார்ச் முதலாம் திகதி முதல் மூன்று நாட்களுக்கு கோலாகலமாக நடந்தது.
இந்தக் கொண்டாட்டத்தில், பல தேசிய பிரபலங்கள் மற்றும் சர்வதேச நட்சத்திரங்களும் கலந்து கொண்டனர்.
விருந்தினர்களை உபசரிப்பது இந்திய கலாச்சாரம். எனவே, விருந்தினர்களை உபசரித்து அவர்களில் கடவுளை தரிசிக்கும் பாரம்பரியத்தை அம்பானி குடும்பம் பின்பற்றி வருகிறது.
அதன்படி, தனது மகனின் திருமணத்திற்கு முந்தைய விழாவில் பங்கேற்ற விருந்தினர்களை வாழ்த்தி பேசிய முகேஷ் அம்பானி உணர்ச்சிவசப்பட்டார்.
இந்தச் சந்தர்ப்பத்தில் தனது தந்தை திருபாய் அம்பானியை நினைவு கூர்ந்த முகேஷ், எனது இளைய மகன் ஆனந்தில் எனது தந்தையைப் பார்க்கிறேன் என்று கூறினார்.
"ஆனந்த் அப்பாவுக்குப் பிடித்த பேரன், இன்று இந்த நிகழ்ச்சியைப் பார்த்து மகிழ்வார். மேலே இருந்து எங்களை ஆசீர்வதிக்கிறார்" என்று த்னத்தையை நினைத்து சில கணங்கள் உணர்ச்சிவசப்பட்டார் அம்பானி.
மேலும், "இந்திய கலாச்சாரத்தில் விருந்தினர்களை கடவுளாக நினைக்கிறோம். நங்கள் உங்களை வணங்கும்போது, என்னுள் இருக்கும் தெய்வீக சக்தி உன்னில் உள்ள தெய்வீக சக்தியை மதிக்கிறது.
நீங்கள் அனைவரும் இந்த திருமணத்திற்கு முந்தைய சுப நிகழ்ச்சியை மங்களகரமானதாக ஆக்கிவிட்டீர்கள். விழாவில் கலந்து கொண்ட அனைத்து முக்கிய தொழிலதிபர்கள், கலைஞர்கள், விளையாட்டு வீரர்கள் மற்றும் திரைப்பட நட்சத்திரங்கள் அனைவருக்கும் எனது இதயத்தின் அடிப்பகுதியில் இருந்து நன்றி" என்று முகேஷ் அம்பானி கூறினார்.
மேலும், மனமக்களான தனது ஆனந்த் அம்பானி மற்றும் மருமகள் ராதிகா மெர்ச்சன்ட்டை வாழ்த்தி பேசிய முகேஷ் அம்பானி, இந்த மூன்று நாள் நிகழ்ச்சியை முழுவதுமாக முன்னின்று நடத்திக்காட்டிய தனது மனைவி நீதா அம்பானியையும் பாராட்டினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
