லங்காசிறி FM
பூமிக்கு திரும்பிய சுனிதா வில்லியம்ஸ்... பத்திரமாக தரையிறங்கிய டிராகன் விண்கலம்
சர்வதேச விண்வெளி நிலையத்தில் கடந்த ஒன்பது மாதங்களாக சிக்கிக்கொண்ட நாசாவின் விண்வெளி வீரர்கள் இறுதியாக பூமிக்குத் திரும்பியுள்ளனர்.
பத்திரமாக தரையிறங்கியுள்ளனர்
புளோரிடாவின் டல்லாஹஸ்ஸி கடற்கரையில் சுனிதா வில்லியம்ஸ் மற்றும் புட்ச் வில்மோர் ஆகியோர் பத்திரமாக தரையிறங்கியுள்ளனர். இவர்களுடன் நாசாவின் நிக் ஹேக் மற்றும் ரஷ்ய விண்வெளி வீரர் அலெக்சாண்டர் கோர்புனோவ் ஆகியோரும் உடன் திரும்பியுள்ளனர்.
நான்கு விண்வெளி வீரர்களும் படிப்படியாக டிராகன் விண்கலத்தில் இருந்து வெளிவந்து, புதிய காற்றை முதன்முதலில் சுவாசித்தனர். பூமியின் ஈர்ப்பு விசையின் எடை அவர்களின் பலவீனமான உடல்களில் அழுத்தப்பட்டதால், மீட்புக் குழுவினர் அவர்களை ஸ்ட்ரெச்சர்களில் ஏற்றிச் செல்ல உதவினார்கள்.
அவர்கள் இன்னும் பல நாட்கள் வழக்கமான மருத்துவ பரிசோதனைகளுக்காக ஹூஸ்டனில் உள்ள நாசாவின் ஜான்சன் விண்வெளி மையத்தில் உள்ள அவர்களது பணியாளர் குடியிருப்புகளுக்கு அழைத்துச் செல்லப்படுவார்கள்.
நாசாவின் சிறப்பு நிபுணர்களால் அவர்களுக்கு பாதிப்பில்லை என அனுமதி வழங்கப்பட்டால், 286 நாட்களுக்கு பிறகு அவர்களது குடும்பத்தினருடன் அவர்கள் வீடு திரும்ப முடியும்.
நீண்ட 17 மணி நேரப் பயணத்திற்கு பின்னர் அவர்கள் பூமிக்கு திரும்பியிருந்தாலும், விண்வெளியில் ஏற்பட்ட பாதிப்புகளில் இருந்து அவர்கள் மீள்வதற்கான மிகக் கடுமையான பாதையை அவர்கள் தெரிவு செய்தாக வேண்டும்.
குறைந்த ஈர்ப்பு விசையில் பல மாதங்கள் கழித்த நிலையில், மீண்டும் தங்கள் வலிமையை மீட்டெடுக்க அவர்கள் வாரக்கணக்கில் உடல் சிகிச்சையைத் தாங்க வேண்டியிருக்கும்.
ஜூன் 5 ஆம் திகதி முதல் பணியாளர்கள் கொண்ட சோதனைப் பயணத்திற்காக போயிங்கின் ஸ்டார்லைனர் விண்கலத்தில் ஏவப்பட்டபோது, வில்லியம்ஸும் வில்மோரும் ஆரம்பத்தில் சர்வதேச விண்வெளி நிலையத்தில் எட்டு நாட்கள் மட்டுமே செலவிட திட்டமிடப்பட்டிருந்தனர்.
நாசா அதிகாரிகள்
தொழில்நுட்ப கோளாறு இருந்தும், இரு விண்வெளி வீரர்களும் பத்திரமாக சர்வதேச விண்வெளி நிலையத்தில் தரையிறங்கினர். ஆனால் ஜூன் 18 ஆம் திகதி, ஸ்டார்லைனர் திட்டமிட்டபடி பூமிக்கு திரும்பாது என்பது உறுதி செய்யப்பட்டது.
நாசா தொடர்ந்து முயற்சிகள் மேற்கொண்டும், பல சிக்கல்கள் ஒன்றின் பின் ஒன்றாக எழுந்தது. ஆகஸ்ட் மாதத்தில், நாசா அதிகாரிகள் ஸ்டார்லைனரை அதன் குழுவினர் இல்லாமல் பூமிக்கு அழைத்துக் கொள்ள முடிவு செய்தனர்.
மேலும், இக்கட்டான சூழலில் வில்லியம்ஸையும் வில்மோரையும் அந்த விண்கலத்திற்குள் பூமிக்கு பறக்க அனுமதிப்பது மிகவும் ஆபத்தானது என்று விளக்கமளித்தனர்.
தற்போது நீண்ட 286 நாட்களுக்கு பிறகு SpaceX நிறுவனத்தின் டிராகன் விண்கலத்தில் பூமிக்கு திரும்பியுள்ளனர். குறித்த டிராகன் விண்கலமானது கடந்த பிப்ரவரி மாதம் ஹேக் மற்றும் கோர்புனோவ் ஆகிய இருவருடன் பூமிக்கு திரும்பும் திட்டத்துடன் இருந்தது.
ஆனால் தற்போது வில்லியம்ஸ் உட்பட நால்வருடன் மார்ச் மாதத்தில் பூமிக்கு திரும்பியுள்ளது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ் கோண்டாவில் வடக்கு, Jaffna, Ilford, United Kingdom, Birmingham, United Kingdom
04 Mar, 2025
நெடுந்தீவு, உருத்திரபுரம், ஸ்கந்தபுரம், London, United Kingdom
23 Feb, 2025
கோப்பாய் வடக்கு, Bochum, Germany, London, United Kingdom, Hayes, United Kingdom, Slough, United Kingdom
13 Mar, 2025
கந்தரோடை, பிரித்தானியா, United Kingdom
21 Mar, 2020
புங்குடுதீவு 10ம் வட்டாரம், புங்குடுதீவு 12ம் வட்டாரம், Rosny-sous-Bois, France
20 Mar, 2023
நாரந்தனை, யாழ்ப்பாணம், London, United Kingdom, Gloucester, United Kingdom, Lancaster, United Kingdom
23 Feb, 2025
