லங்காசிறி FM
இந்தியாவிற்கு ஒலிம்பிக்கில் தங்கம் வென்ற நீரஜ் சோப்ராவுக்கு குவியும் பரிசு தொகை! எத்தனை கோடி தெரியுமா?
இந்தியாவிற்கு ஈட்டி எறிதலில் தங்கப் பதக்கம் வென்று கொடுத்த நீரஜ் சோப்ராவுக்கு பரிசுத் தொகை குவிந்து வருகிறது. ஐப்பானின் டோக்கியாவில் ஒலிம்பிக் போட்டி கோலாகலமாக நடைபெற்று வருகிறது.
இதில் இன்று ஈட்டி எறிதலில் இந்தியா சார்பில் கலந்து கொண்ட, நீரஜ் சோப்ரா அபாரமான திறமையை வெளிப்படுத்தி தகுதி சுற்றில் 86.65 மீற்றர் தூரம் எறிந்து, இறுதிப் போட்டிக்கு முனனேறினார்.
அதைத் தொடர்ந்து அதற்கான இறுதிப் போட்டி இன்று நடைபெற்றது, இதில், துவக்கம் முதலே சிறப்பான இலக்கை பதிவு செய்த நீராஜ் சோப்ரா முதலிடத்தில் இருந்தார். அடுத்தடுத்த சுற்றுகளிலும் அவரே முன்னிலை பெற்றார்.
இவரைத் தொடர்ந்து ஜேர்மனி வீரர் வெபர், செக் குடியரசு வீரர்கள் வெஸ்லி, வத்லெஜ், பாகிஸ்தான் வீரர் நதீம் ஆகியோர் நீரஜை பின்தொடர்ந்தனர். ஆனால் அவர்களின் முயற்சிக்கு பலன் கிடைக்கவில்லை.
6 சுற்றுகளின் முடிவில், நீரஜ் சோப்ரா முதலிடத்தை பிடித்து தங்கப் பதக்கத்தை கைப்பற்றினார். அவர் அதிகபட்ச தூரமாக 87.58 மீற்றர் தூரம் ஈட்டி எறிந்து அசத்தியுள்ளார்.
இதன்மூலம் டோக்கியோ ஒலிம்பிக்கில் இந்தியாவுக்கு முதல் தங்கம் கிடைத்துள்ளது. மட்டுமின்றி மொத்த பதக்க எண்ணிக்கை 7 என உயர்ந்துள்ளது.
இந்தியர்கள் பல கோடி மக்களின் கனவை நிறைவேற்றிய நீராஜ் சோப்ராவுக்கு, குடியரசுத் தலைவர், பிரதமர் என பலரும் தொடர்ந்து வாழ்த்துக்கள் தெரிவித்து வருகின்றனர்.
இந்நிலையில், டோக்கியோ ஒலிம்பிக்கில் தங்கம் வென்ற நீரஜ் சோப்ராவுக்கு ஹரியானா அரசு6 கோடி பரிசு அறிவித்துள்ளது. மேலும், இராணுவத்தில் சுபேதாராக பணியாற்றும் நீரஜ் சோப்ராவுக்கு பஞ்சாப் அரசு 2 கோடி ரூபாயும், பிசிசிஐ 1 கோடி ரூபாயும் என அறிவித்துள்ளது.
வரணி, சவுதி அரேபியா, Saudi Arabia, Mitcham, United Kingdom
27 Aug, 2023
Urumpirai, மன்னார் முருங்கன், Markham, Canada, Drancy, France
21 Aug, 2026
நெடுந்தீவு மேற்கு, யோகபுரம், Paris, France, Tergnier, France, Chelmsford, United Kingdom
16 Aug, 2026
கரவெட்டி, கொக்குத்தொடு, புதுக்குடியிருப்பு 2ம் வட்டாரம், Mullaitivu
27 Aug, 2023
கொழும்புத்துறை, கொழும்பு, ஸ்கந்தபுரம், London, United Kingdom
09 Aug, 2026
