நேபாளப் பெருவெள்ளம்... 2478 என உயர்ந்த மாயமானவர்கள் எண்ணிக்கை

Nepal flash flood... number of missing rises to 2,478: நேபாளப் பெருவெள்ளத்தில் சிக்கி மாயமானவர்கள் எண்ணிக்கை தற்போது 2478 என உயர்ந்தது.

நேபாளத்தில் பெருவெள்ளத்தைத் தொடர்ந்து மீட்பு நடவடிக்கைகள் நாலாவது நாளை எட்டியுள்ள நிலையில், பெருவெள்ளத்தில் சிக்கி மாயமானவர்கள் எண்ணிக்கை தற்போது 2478 என உயர்ந்துள்ளது.

இந்தியாவில் ஏழு உடல்கள்

சீன அரசு ஊடகங்களின் தகவலின்படி, திபெத்தில் உத்தியோகப்பூர்வ உயிரிழப்பு எண்ணிக்கை ஏழாக உயர்ந்துள்ளது; மேலும் 554 பேர் இன்னும் காணாமல் போயுள்ளனர். 570க்கும் மேற்பட்டோர் உயிரிழந்து,

குறைந்தது 2400 பேரைக் காணவில்லை என்ற நேபாளத்தின் புள்ளிவிவரங்களுடன் இவை பொருந்துகின்றனவா என்பது குறித்த தகவல் இல்லை.

இதனிடையே, திபெத்தில் சிக்கித் தவித்த 555 சுற்றுலாப் பயணிகளையும் 499 சீனக் குடியிருப்பாளர்களையும் மீட்டுள்ளதாக சீன அதிகாரிகள் தெரிவித்துள்ளனர்.

இந்த நிலையில், இந்தியாவில், நேபாளத்திலிருந்து பாயும் ஆறுகளில் இருந்து ஏழு உடல்கள் மீட்கப்பட்டதாகவும், அவை வெள்ளத்தில் பலியானவர்கள் என நம்பப்படுவதாகவும் அதிகாரிகள் தெரிவித்துள்ளனர்.

திபெத்தில் உள்ள கைலாச மலைக்கு யாத்திரை மேற்கொண்டிருந்தவர்கள் உட்பட, உலகம் முழுவதிலுமிருந்து வந்த ஏராளமான இந்து பக்தர்கள் எல்லைப் பகுதியில் காணாமல் போயுள்ளனர்.

நேபாளப் பேரிடர் வெறும் தொடக்கம்... ஆபத்தை எதிர்நோக்கும் 15 மில்லியன் மக்கள்

புதன்கிழமை திபெத்தின் கியிராங் மாவட்டத்தில் ஏற்பட்ட பெரும் வெள்ளத்திற்குப் பிறகு, 260 வெளிநாட்டினர் உட்பட 550-க்கும் மேற்பட்டோர் இன்னும் காணாமல் போயுள்ளனர் என்று சீன அரசு ஒளிபரப்பு நிறுவனமான சிசிடிவி தெரிவித்துள்ளது.

இந்த நிலையில், புதன்கிழமையன்று சீனா-நேபாள எல்லையில் ஏற்பட்ட பேரழிவுமிக்க திடீர் வெள்ளப்பெருக்கைத் தொடர்ந்து, காணாமல் போனவர்கள் எண்ணிக்கை தற்போது 2,478 என அதிகரித்துள்ளது.

எல்லையின் தங்கள் பகுதியில் 1,924 பேர் காணாமல் போயுள்ளதாக நேபாளத்தின் பேரிடர் மேலாண்மை அமைப்பு வெள்ளிக்கிழமையன்று தெரிவித்தது; அதேவேளை, திபெத்தில் காணாமல் போனவர்களின் மொத்த எண்ணிக்கை தற்போது 554 ஆக உள்ளதாகவும், ஏழு பேர் உயிரிழந்தது உறுதிப்படுத்தப்பட்டுள்ளதாகவும் சீனாவின் சின்ஹுவா செய்தி முகமை இன்று அதிகாலை செய்தி வெளியிட்டது.

செஞ்சிலுவைச் சங்கத்தின் தகவலின்படி, நேபாளத்தில் இதுவரை 3,700-க்கும் மேற்பட்டோர் மீட்கப்பட்டுள்ளனர்; எனினும், குறைந்தது 93,000 பேர் இந்தத் பேரிடரால் பாதிக்கப்பட்டுள்ளதாக மதிப்பிடப்பட்டுள்ளது.

குறைந்தது 777 வெளிநாட்டினர் காணாமல் போயுள்ளனர்; இதில் சுற்றுலாப் பயணிகள் மற்றும் வெளிநாட்டுத் தொழிலாளர்களும் அடங்கக்கூடும்.

நேபாளத்தின் பேரிடர் மேலாண்மை அமைப்பு வெள்ளிக்கிழமையன்று 517 வெளிநாட்டினர் குறித்த தகவல் ஏதுமில்லை என்று தெரிவித்த நிலையில், சீன அதிகாரிகள் காணாமல் போன வெளிநாட்டினரின் எண்ணிக்கையை 260 எனக் குறிப்பிட்டுள்ளனர்.

புதன்கிழமையன்று நூற்றுக்கணக்கானோர் உயிரிழந்த வெள்ளப் பகுதிக்கு மேல் பகுதியில் அமைந்துள்ள இரண்டு ஏரிகளை நேபாளம் தொடர்ந்து கண்காணித்து வருவதாக, அந்நாட்டின் பேரிடர் மேலாண்மை ஆணைய அதிகாரி ஒருவர் தெரிவித்தார்.

வெள்ளிக்கிழமையன்று இரண்டு ஏரிகளில் ஒன்று நிரம்பி வழியத் தொடங்கிய நிலையில், இரண்டு ஏரிகளும் முழுமையாக வற்றும் வரை வெள்ள அபாயம் நீடிக்கும் என்று அந்த அதிகாரி எச்சரித்துள்ளார்.