லங்காசிறி FM
சைக்கிளில் தொடங்கிய சாம்ராஜ்யம்! ரூ. 23,000 கோடி நிறுவனத்தை கட்டியெழுப்பியவரின் வெற்றிக் கதை
கர்சன்பாய் படேலின் கதை என்பது கஷ்டத்திலிருந்து உயர்ந்த ஒரு உத்வேகம் தரும் கதை. தொழில் துவங்க விரும்புபவர்களுக்கு இது ஒரு சிறந்த எடுத்துக்காட்டு.
கர்சன்பாய் படேல்
1945 ஆம் ஆண்டு குஜராத்தில், போராடும் விவசாய குடும்பத்தில் பிறந்த கர்சன்பாய் படேலின்(Karsanbhai Patel) ஆரம்ப கால வாழ்க்கை நிதி சிரமங்களால் நிறைந்திருந்தது.
இந்த சவால்களுக்கு மத்தியில், அவர் வேதியியல் படிப்பை தொடர்ந்து ஆய்வக தொழில்நுட்ப வல்லுனராக வேலைக்குச் சென்றார். இருப்பினும், அவருடைய கனவு தனக்கென ஒரு தொழிலை உருவாக்குவது தான்.
1969 ஆம் ஆண்டில், சந்தையில் ஒரு இடைவெளியை கர்சன்பாய் படேல் கண்டறிந்தார்.
சோப்பு பொருட்கள் விலை உயர்ந்திருந்ததால், அது குடும்பங்களின் பட்ஜெட்டில் அது பாதிப்பை ஏற்படுத்தியது என்பதை உணர்ந்தார்.
ஒரு சிறிய கடனுதவி மற்றும் உறுதியான மனதுடன், அவர் தனது சொந்த வீட்டின் பின்புறத்தில் செலவு குறைந்த துணி துவைக்கும் பொடியை உருவாக்கத் தொடங்கினார்.
அவர் அதற்கு "நிர்மா"(Nirma) என்று பெயர் சூட்டினார். பின்னர், கர்சன்பாய் படேல் தனது சைக்கிளில் வீடுவீடாகச் சென்று சோப்பு பொடியை விற்பனை செய்யும் பணியைத் தொடங்கினார்.
நிர்மாவின் வெற்றி
நிர்மாவின் மலிவு தன்மை அதன் முக்கிய விற்பனை சிறப்பு. போட்டியாளர்களை விட மிகக் குறைவான விலையில், கிலோ கிராமுக்கு ரூபாய் 13 என்ற விலையில், அது விரைவாக பிரபலமடைந்தது.
தேவை அதிகரித்து வந்ததால், உற்பத்தியைத் தக்கவைத்துக்கொள்ள, வாடகைக்கு கொடுக்கப்பட்ட ஒரு இடத்திற்கு உற்பத்தியை மாற்றி, தொழிலாளர்களை வேலைக்கு சேர்த்துக் கொண்டார்.
நிர்மாவின் வெற்றிக் கதை தொடர்ந்து, இந்தியா முழுவதும் ஒரு வீட்டுப் பெயராக மாறியது. இன்று, நிர்மா லிமிடெட் இந்திய நுகர்பொருள் துறையில் ஒரு பெரிய நிறுவனமாகத் திகழ்கிறது, சுமார் 18,000 பேர் பணியாற்றுகின்றனர்.
நிறுவனம் தனது தயாரிப்பு வரிசையை சோப்புகள், அழகு சாதனப் பொருட்கள் மற்றும் பல்வேறு தனிப்பட்ட பராமரிப்பு பொருட்கள் என விரிவுபடுத்தி, பன்முகப்படுத்தப்பட்ட நிறுவனமாக மாறியுள்ளது.
நிர்மா ரூ.7,000 கோடி என்ற வருட வருவாயைக் கொண்டுள்ளது, மேலும் நிர்மா குழுமத்தின் மொத்த லாபம் ரூ.23,000 கோடியை தாண்டுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
