லங்காசிறி FM
பிரித்தானியாவில் கொரோனா கட்டுப்பாடுகள் மொத்தமாக நீக்கம்: கசிந்த முக்கிய தகவல்
Balakumar
in ஐக்கிய இராச்சியம்
பிரித்தானியாவில் கொரோனா தொற்றுக்கு இலக்காகும் அபாயம் அதிகமென கணிக்கப்பட்டுள்ள 15 மில்லியன் மக்களுக்கும் தடுப்பூசி வழங்கப்பட்ட பின்னர் மொத்த கட்டுப்பாடுகளும் நீக்கப்படும் என முக்கிய தகவல் கசிந்துள்ளது.
பிரித்தானியாவில் பைசர் நிறுவனத்தின் கொரோனா தடுப்பூசி தொடர்ந்து அளிக்கப்பட்டு வருகிறது.
திங்கட்கிழமை ஆக்ஸ்போர்டு தடுப்பூசிக்கு அனுமதி கிடைக்கும் என நம்பப்படுகிறது. இந்த நிலையில், பிரித்தானியாவில் கொரோனா கட்டுப்பாடுகள் மற்றும் ஊரடங்கை மொத்தமாக நீக்கும் முக்கிய முடிவுக்கு போரிஸ் அரசாங்கம் எட்டியுள்ளது.
அதன்படி, கொரோனா தொற்றுக்கு இலக்காகும் ஆபத்து அதிகம் கொண்ட 15 மில்லியன் மக்களுக்கு தடுப்பூசி அளிக்கப்பட்ட பின்னர், உடனடியாக அனைத்து கட்டுப்பாடுகளையும் நீக்க போரிஸ் அரசாங்கம் முடிவு செய்துள்ளதாக தகவல் வெளியாகியுள்ளது.
எதிர்வரும் பிப்ரவரி மாதத்திற்குள் இந்த 15 மில்லியன் என்ற இலக்கை எட்ட முடியும் என்பதால், பிப்ரவரியில் இருந்து பிரித்தானியா சகஜ நிலைக்கு திரும்பும் என்றே எதிர்பார்க்கப்படுகிறது.
பொதுவாக ஒரு தடுப்பூசிக்கு சில ஆண்டுகள் எடுத்துக் கொள்ளப்படும் என்ற நிலையில், பிரித்தானிய விஞ்ஞானிகள் வெறும் 9 மாதங்களில் ஆக்ஸ்போர்டு தடுப்பூசியை உருவாக்கியுள்ளனர்.
பலகட்ட சோதனையிலும் நிரூபணமான நிலையில், தற்போது அரசாங்கத்தின் அனுமதிக்காக காத்திருக்கிறது.
திங்கட்கிழமை அரசாங்கத்தின் அனுமதி கிடைக்கும் என்றே நம்பப்படுகிறது. ஆக்ஸ்போர்டு தடுப்பூசி டோஸ்கள் 100 மில்லியன் வாங்குவதாக போரிஸ் அரசாங்கம் ஏற்கனவே ஒப்பந்தம் மேற்கொண்டுள்ளது குறிப்பிடத்தக்கது.
கரம்பொன் கிழக்கு, பண்டத்தரிப்பு, கொழும்பு சொய்சாபுரம், London, United Kingdom, Borehamwood, United Kingdom
17 Aug, 2025
புலோலி தெற்கு, கிளிநொச்சி, Bandarawela, கொழும்பு, Erkelenz, Germany, Madoc, Canada, Markham, Canada
06 Sep, 2024