லங்காசிறி FM
டிரம்ப் கோல்ப் கிளப் மேலே பறந்த 2 சிறிய விமானங்கள்: களத்தில் இறங்கிய F-16 ரக போர் விமானங்கள்
டிரம்ப் கோல்ஃப் கிளப்பிற்கு மேலே அத்துமீறி பறந்த இரண்டு சிறிய ரக விமானங்களை அமெரிக்க விமானப்படை F-16 ரக போர் விமானங்கள் இடைமறித்து வெளியேற்றினர்.
அத்துமீறி நுழைந்த சிறிய விமானங்கள்
அமெரிக்காவின் பெட்மின்ஸ்டர் நகருக்கு மேல் வான்வெளி தடையை மீறி இரண்டு சிறிய ரக விமானங்கள் பறந்தன.
ஞாயிற்றுக்கிழமை பெட்மின்ஸ்டர் நகரில் அமைந்துள்ள டிரம்ப் நேஷனல் கோல்ஃப் கிளப்பில் நடைபெற்ற நிகழ்ச்சியில் அமெரிக்க ஜனாதிபதி டொனால்ட் டிரம்ப் கலந்து கொண்டிருந்த போது இந்த சம்பவம் நடைபெற்றதால் பெரும் பரபரப்பு ஏற்பட்டது.
WATCH: US F-16 jet intercepts aircraft over Bedminster, New Jersey, where President Trump is present pic.twitter.com/gS4gTP9Lbo
— Rapid Report (@RapidReport2025) August 9, 2026
இதையடுத்து அமெரிக்கா விமானப்படை பிரிவான NORAD தங்களது F-16 ரக போர் விமானங்கள் கொண்டு அத்துமீறிய இரண்டு சிறிய ரக விமானங்களையும் வெற்றிகரமாக இடைமறித்து அப்பகுதியில் இருந்து அப்புறப்படுத்தினர் என்று பாக்ஸ் நியூஸ் செய்தி நிறுவனம் தகவல் வெளியிட்டுள்ளது.
இந்த வான்வெளி அத்துமீறல் நடைபெற்ற போது ஜனாதிபதி டிரம்ப் தன்னுடைய கோல்ஃப் கிளப்பில் நேரடியாக இருந்தாரா என்பது அதிகாரப்பூர்வமாக உறுதிப்படுத்தப்படவில்லை.
மேலும் அத்துமீறி தடை செய்யப்பட்ட பகுதிக்குள் விமானத்தை செலுத்தியவர் யார்? அவர்களின் இந்த செயலுக்கு என்ன காரணம்? என்பது குறித்தும் அதிகாரிகள் எந்தவொரு விளக்கத்தையும் வெளியிடவில்லை.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
