லங்காசிறி FM
சேதமடைந்த எரிவாயு குழாயினை ஆய்வு செய்ய அனுமதி இல்லை: நோர்ட் ஸ்ட்ரீம் நிறுவனம் புகார்
நோர்ட் ஸ்ட்ரீம் 2 சேதமடைந்த பகுதிகளை ஆய்வு செய்ய முடியவில்லை.
டென்மார்க் மற்றும் ஸ்வீடன் ஆகியவை பைப்லைனில் ஏற்பட்ட சேதங்கள் குறித்து விசாரணை.
எரிவாயு குழாயின் சேதமடைந்த பகுதிகளை ஆய்வு செய்யத் தேவையான அனுமதிகள் வழங்கப்படாததால் அவற்றை ஆய்வு செய்ய முடியவில்லை. என நோர்ட் ஸ்ட்ரீம் ஏஜி செவ்வாயன்று தெரிவித்துள்ளது.
ரஷ்யாவில் இருந்து ஜேர்மனிக்கு எரிவாயு கொண்டு செல்லும் நோர்ட் ஸ்ட்ரீம் 1 மற்றும் நோர்ட் ஸ்ட்ரீம் 2 ஆகிய இரண்டு பைப்லைன்களிலும் கடந்த வாரம் நான்கு கசிவுகள் கண்டறியப்பட்டன.
EPA
இந்த கசிவு திட்டமிட்டு நடத்தப்பட்ட தாக்குதலால் ஏற்பட்டு இருப்பதாக பிரித்தானியா மற்றும் ஐரோப்பிய நாடுகள் ரஷ்யாவை குற்றம் சாட்டினர்.
இந்நிலையில் டென்மார்க், ஸ்வீடன் மற்றும் நார்வே ஆகிய நாடுகளின் மதிப்பாய்வுகளைச் செய்ய போதுமான அனுமதிகளுக்காக இன்னும் காத்திருப்பதாக நோர்ட் ஸ்ட்ரீம் நிறுவனம் தனது எழுத்துப்பூர்வ அறிக்கையில் தெரிவித்துள்ளது.
டென்மார்க் மற்றும் ஸ்வீடன் ஆகிய இரண்டு நாடுகளும் பைப்லைனில் ஏற்பட்ட சேதங்கள் குறித்து விசாரணைகளை நடத்தி வருகின்றன, அதே நேரத்தில் நோர்ட் ஸ்ட்ரீம் ஏஜியின் ஆய்வுக் கப்பல் புறப்படுவதற்கு நார்வே பச்சை விளக்கு கொடுக்க உள்ளது என்று நிறுவனம் தெரிவித்துள்ளது.
மேலும் நோர்ட் ஸ்ட்ரீம் நிறுவனம் தங்களது சொந்த விசாரணையை நடத்துவதற்கு முன், சேதங்கள் குறித்து போலீஸ் விசாரணைகள் முடிவடையும் வரை காத்திருப்பதாக RIA Novosti-விடம் தெரிவித்துள்ளது.
கூடுதல் செய்திகளுக்கு: ராணியை கெளரவிப்பது நமது செயல் மட்டுமே: பாட்டி குறித்து உருகிய இளவரசர் வில்லியம்
உக்ரைனில் ரஷ்யா ராணுவ நடவடிக்கை தொடங்கியதை அடுத்து, பெர்லின் அரசாங்கம் எரிவாயு குழாய்க்கான சான்றிதழை இடைநிறுத்தி Nord Stream 2 பைப்லைன் செயல்பாட்டையும் பிப்ரவரியில் நிறுத்தி இருந்தது குறிப்பிடத்தக்கது.
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
பருத்தித்துறை, மன்னார், Chavakacheri, புலோலி, Lewisham, United Kingdom
03 Oct, 2026
வல்வெட்டித்துறை, Chennai, India, London, United Kingdom
20 Oct, 2016
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024