உலகையே மிரட்டி வந்த கிம் ஜான் உன் என்ன இப்படி ஆளே மாறி போயிட்டாரு? வெளியான புகைப்படம்

North Korea Kim Jong Un

By Kaviarasan Jun 17, 2021 01:07 AM GMT

Kaviarasan

in சர்வதேசம்

Report

உலகையே தன்னுடைய அணு ஆயுத சோதனைகள் மூலம் மிரட்டி வந்த கிம் ஜாங் உன்னுன் சமீபத்திய புகைப்படம் வெளியாகி, அவரது உடல்நிலை சந்தேகத்தை ஏற்படுத்தியுள்ளது.

கடந்த 2011-ஆம் ஆண்டு வடகொரியாவின் தலைவராக பொறுப்பேற்ற கிம் ஜாங் உன், தன்னுடைய நாட்டை ஒரு மர்மம் நிறைந்த நாடாகவே வைத்து வருகிறார். தங்கள் நாட்டில் நடக்கும் எந்த ஒரு தகவலையும் அவ்வளவு சீக்கிரம் எளிதில் கசியவிடமாட்டார்.

உலகையே மிரட்டி வந்த கிம் ஜான் உன் என்ன இப்படி ஆளே மாறி போயிட்டாரு? வெளியான புகைப்படம் | North Korean Leader Weight Loss Over His Health

அந்தளவிற்கு தன் மக்களையும், அதிகாரிகளையும் கைக்குள் வைத்திருக்கிறார். ஒரு சிறிய தவறு செய்தால், கூட கிம் மரணதண்டனை கொடுக்க தயங்கமாட்டார். தன் நாட்டை மட்டுமின்றி, உலகையே அணு ஆயுத சோதனை மூலம் இப்போது வரை மிரட்டி வருபவரும் கிம் ஜாங் உன் தான்.

அமெரிக்கா உள்ளிட்ட உலக நாடுகளின் எதிர்ப்புகளை மீறி, அணு ஆயுத சோதனைகளில் ஈடுபட்டவர். அப்படிப்பட்ட நபர், கடந்த ஆண்டு திடீரென மாயமானார். இதனால் அவரது உடல்நிலை குறித்து பல்வேறு வதந்திகள் வந்தன.

அதற்கு முற்றுப் புள்ளி வைக்கும் வகையில், கிம் பொது நிகழ்ச்சி ஒன்றில் கலந்து கொண்டார். இந்நிலையில், மீண்டும் அவருடைய உடல்நிலை குறித்த சர்ச்சை எழுந்துள்ளது.

கிம் ஜாங் உன், 5 அடி 8 அங்குலம் உயரமும், 140 கிலோ எடையும் உடையவர் எனக் கூறப்படுகிறது. ஆனால், சமீபத்தில் அவர் கலந்து கொண்ட நிகழ்ச்சி ஒன்றில், சுமார் 20 கிலோ வரை எடை குறைந்திருக்கலாம் எனக் கூறப்படுகிறது.

உடல் நலத்தை பேணுவதற்காக உடல் எடையை குறைத்தாரா அல்லது உடல் நல பாதிப்பால் உடல் எடை குறைந்ததா என்ற கேள்வி எழுந்துள்ளது.

மது மற்றும் புகை பழக்கம் உள்ள கிம் ஜாங் உன்னுக்கு அவருடைய தாத்தா, தந்தை ஆகியோரை போன்று இதய பிரச்னை இருக்கும் என்று பல ஆண்டுகளாக கூறப்பட்டு வருவது நினைவுகூரத்தக்கது.