முத்தத்தால் ஏற்படவிருந்த மரணம் - உயிரை பறிக்கும் அளவிற்கு ஏற்பட்ட அரிய நோய்!

By Kirthiga Oct 04, 2024 04:38 AM GMT

Kirthiga

in சர்வதேசம்

Report

அன்பின் அடையாளமாக நாம் கருதும் ஒரு சாதாரண முத்தம் ஒருவருக்கு ஆபத்தானது என்று நீங்கள் எப்போதாவது நினைத்திருக்கிறீர்களா?

ஆனால், அது ஆபத்தானதாக தான் ஒரு பெண்ணிற்கு நடந்து முடிந்துள்ளது. அதாவது அமெரிக்காவின் பாஸ்டனில் வசிக்கும் 25 வயதான கரோலின் க்ரா க்வின் என்ற பெண்ணின் வாழ்க்கை ஒரு முத்தத்தால் தலைகீழாக மாறியுள்ளது.

முத்தத்தால் ஏற்பட்டவிருந்த மரணம்

முத்தத்தால் ஏற்படவிருந்த மரணம் - உயிரை பறிக்கும் அளவிற்கு ஏற்பட்ட அரிய நோய்! | One Kiss Kill Woman 25 Condition Deadly Allergy

கரோலின் மாஸ்ட் செல் ஆக்டிவேஷன் சிண்ட்ரோம் (MCAS) என்ற அரிய நோயால் பாதிக்கப்பட்டுள்ளார். இந்த நோய் 1.50 லட்சம் பேரில் ஒருவருக்கு மட்டுமே ஏற்படுகிறது.

MCAS என்பது உணவு, வாசனை மற்றும் சுற்றுச்சூழலில் இருக்கும் சில தூண்டுதல்களுக்கு உடலின் இரத்த அணுக்கள் அசாதாரணமாக செயல்படும் ஒரு நோயாகும்.

கரோலினின் விடயத்தில், நோய் மிகவும் கடுமையானது. அவளால் இரண்டு பொருட்களை மட்டுமே சாப்பிட முடியும். அவள் வேறு ஏதாவது சாப்பிட முயற்சித்தால், அவளுக்கு உயிருக்கு ஆபத்தான ஒவ்வாமை எதிர்வினை ஏற்படுகின்றது.

ஒருவரை முத்தமிடுவது கூட ஆபத்தானது. இதனால் அவரது காதல் வாழ்க்கையும் மிகவும் சிக்கலாகிவிடுகிறது. கரோலின் சமீபத்தில் தனது டேட்டிங் அனுபவங்களை TikTok வீடியோவில் பகிர்ந்துள்ளார். இது இதுவரை 17 லட்சத்திற்கும் அதிகமான முறை பார்க்கப்பட்டுள்ளது. அவரை முத்தமிடுவதற்கு முன்பு தனது துணை சில கடுமையான விதிகளை பின்பற்ற வேண்டும் என்று அவர் கூறினார்.

என்னை முத்தமிட வேண்டும் என்றால், அவர் மூன்று மணி நேரத்திற்கு முன்பு எதையும் சாப்பிடக்கூடாது என்றும், அவருக்கு ஒவ்வாமையை ஏற்படுத்தும் கடலை, பருப்புகள், எள், கடுகு, கடல் உணவு அல்லது கிவி போன்ற உணவுகளை 24 மணி நேரத்திற்கு முன்பு சாப்பிடக்கூடாது என்றும் கரோலின் வீடியோவில் கூறியுள்ளார்.

தனது காதலன் ரியான் இந்த விதிகளை முழுமையாக பின்பற்றுவதாகவும், தன்னுடன் வாழும் போது, கரோலின் சாப்பிடும் உணவையே உண்பதாகவும் கரோலின் கூறியுள்ளார்.

கரோலினின் நோய் 2017 இல் வெளிச்சத்திற்கு வந்தது. அவர் மாசுபாட்டின் காரணமாக கடுமையான ஒவ்வாமை எதிர்விளைவை சந்தித்தார்.

இது பிற உணவுகளிலும் அவருக்கு ஒவ்வாமையை ஏற்படுத்தியது. இந்த நோய் அவரது வாழ்க்கையை சிக்கலாக்கினாலும், கரோலின் அதற்கு தன்னை மட்டுப்படுத்தவில்லை.

என் பயத்தால் வாழ்க்கையை ரசிப்பதை நிறுத்த முடியாது என்று அவள் கூறியுள்ளார். MCAS நோயால் பாதிக்கப்பட்டவர்களுக்கு சிறிய தவறு கூட ஆபத்தானது. ஆனால் கரோலின் போன்றவர்கள் இந்த நோயுடன் வாழ்க்கையை வாழ தங்கள் உறுதியை நிரூபித்துக்கொண்டே இருக்க வேண்டும்.