லங்காசிறி FM
கழுத்தை நெரிக்கும் கடன் ஒரு பக்கம்... இந்தியாவால் பாகிஸ்தான் எடுத்த அதிரடி முடிவு
கடுமையான பொருளாதார நெருக்கடியில் சிக்கித் தவிக்கும் பாகிஸ்தான் அரசாங்கம் செலவுகளை அதிரடியாக குறைத்துள்ளதுடன் பாதுகாப்புகான நிதி ஒதுக்கீடு தொடர்பில் முக்கிய முடிவெடுத்துள்ளது.
இராணுவ செலவினங்களுக்கு
நடப்பு நிதியாண்டின் முதல் ஒன்பது மாதங்களில் பாகிஸ்தானின் ஒட்டுமொத்த கடன் கிட்டத்தட்ட PKR 76,000 பில்லியனாக (தோராயமாக 270 பில்லியன் அமெரிக்க டொலர்) அதிகரித்துள்ளது.
வெளியான தரவுகளின் அடிப்படையில், கடந்த மாதம் இந்தியாவுடனான ஒரு இராணுவ மோதலுக்குப் பிறகு, பாகிஸ்தான் நிர்வாகம் வளர்ச்சியை விட அதன் இராணுவ செலவினங்களுக்கு முன்னுரிமை அளிப்பதாகத் தெரிகிறது.
பிரதமர் ஷெஹ்பாஸ் ஷெரீப்பின் அரசாங்கத்தால் சமர்ப்பிக்கப்பட்ட நிதி நிலை அறிக்கையில் பாதுகாப்புச் செலவினங்கள் 20 சதவீதம் அதிகரித்தன, ஆனால் ஒட்டுமொத்தச் செலவு 7 சதவீதம் குறைக்கப்பட்டுள்ளது.
பாகிஸ்தான் நிதியமைச்சர் முகமது ஔரங்கசீப் தனது லட்சிய PKR 17.573 டிரில்லியன் ($62 பில்லியன்) திட்டத்தால் வரும் நிதியாண்டில் பொருளாதார வளர்ச்சி 4.2 சதவீதம் அதிகரிக்கும் என்று நம்பிக்கை தெரிவித்துள்ளார்.
மட்டுமின்றி, 2023 ஆம் ஆண்டு வாக்கில் கடன்களைத் திருப்பிச் செலுத்தத் தவறிவிடும் அபாயத்தைக் கொண்டிருந்த பொருளாதாரத்தை பாகிஸ்தான் நிலைப்படுத்தியுள்ளது என்றும் அவர் குறிப்பிட்டுள்ளார்.
9 பில்லியன் அமெரிக்க டொலர்
மேலும், 2024-25 ஆம் ஆண்டிற்கான இலக்கு 5.9 சதவீதத்திற்கு எதிராக, மொத்த உள்நாட்டு உற்பத்தியில் 3.9 சதவீத பற்றாக்குறையை பாகிஸ்தான் கணித்துள்ளது. அத்துடன் பணவீக்கம் 7.5 சதவீதமாகவும், வளர்ச்சி 4.2 சதவீதமாகவும் இருக்கும் என்று கணிக்கப்பட்டது.
மேலும், புதிய பட்ஜெட்டில் ஜூலை-ஜூன் 2025-26 இல் பாதுகாப்புக்கு 2.55 டிரில்லியன் ரூபாய் (9 பில்லியன் அமெரிக்க டொலர்) ஒதுக்கப்பட்டது, இது 2.12 டிரில்லியனில் இருந்து அதிகரித்துள்ளது.
இதில் இராணுவ ஓய்வூதியங்களுக்கு ஒதுக்கப்பட்ட 742 பில்லியன் பாகிஸ்தான் ரூபாய் ($2.63 பில்லியன்) நீங்கலாக, முழு பாதுகாப்பு பட்ஜெட்டும் 3.292 டிரில்லியன் பாகிஸ்தான் ரூபாய் ($11.67 பில்லியன்) ஆக உள்ளது.
பட்ஜெட்டில் உபகரணங்கள் மற்றும் பிற பௌதீக சொத்துக்களுக்கான செலவினமாக 704 பில்லியன் பாகிஸ்தானிய ரூபாயும் ($2.5 பில்லியன்) அடங்கும். இதனிடையே, கடந்த மாதம் சர்வதேச நாணய நிதியத்திடமிருந்து (IMF) பாகிஸ்தான் 2.4 பில்லியன் டொலர் நிதி உதவியைப் பெற்றது.
அத்துடன் IMF உடன் நெருக்கமான ஆலோசனையுடன் FY26 பட்ஜெட்டைத் தயாரிப்பதில் பாகிஸ்தான் உறுதியாக இருப்பதாகவும் கூறியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ் பருத்தித்துறை வராத்துப்பளை, Jaffna, புற்றளை
25 Jun, 2026
புங்குடுதீவு 8ம் வட்டாரம், புங்குடுதீவு 12ம் வட்டாரம், சுன்னாகம், பரிஸ், France
18 Jul, 2026
புங்குடுதீவு 10ம் வட்டாரம், ஆனைக்கோட்டை, கொழும்பு, Scarborough, Canada
19 Jul, 2026
புங்குடுதீவு, பரிஸ், France, London, United Kingdom
10 Jul, 2026
புளியங்கூடல், யாழ்ப்பாணம், சென்னை, India, பிரான்ஸ், France
19 Jul, 2026
