லங்காசிறி FM
இந்தியாவின் அந்த ஒற்றை முடிவு... 16 ஆண்டுகளில் இல்லாத சாதனை படைத்த அண்டை நாடு
பாஸ்மதி அல்லாத வெள்ளை அரிசிக்கு இந்தியா ஏற்றுமதி தடை விதித்துள்ள நிலையில், ஜூன் மாதத்துடன் முடிவடையும் இரண்டாவது காலாண்டில் பாகிஸ்தானின் அரிசி ஏற்றுமதி வரலாறு காணாத அளவுக்கு உயரும் என தகவல் வெளியாகியுள்ளது.
பாகிஸ்தான் பக்கம் திருப்பியது
உள்ளூர் அரிசி விலையை கட்டுப்படுத்தும் நோக்கில் பாஸ்மதி அல்லாத வெள்ளை அரிசிக்கு இந்தியா ஏற்றுமதி தடை விதித்திருந்தது. இந்தியாவின் இந்த ஒற்றை முடிவு, ஏற்றுமதியாளர்களை பாகிஸ்தான் பக்கம் திருப்பியதுடன், 16 ஆண்டுகளில் இல்லாத உயர் விலைக்கு தானியங்களை வாங்கும் நிலைக்கு தள்ளியுள்ளது.
@reuters
இதனால் பாக்கிஸ்தானின் சரிவடைந்த அந்நிய செலாவணி இருப்பு அதிகரிக்க செய்வதுடன், இறக்குமதிகளுக்கு நிதியளிக்கவும் பயன்பட்டுள்ளது. உலக அளவில் ஏற்றுமதியாகும் அரிசியில் சுமார் 40 சதவிகிதம் இந்தியா முன்னெடுக்கிறது.
இந்த நிலையில் அதிரடி நடவடிக்கையாக கடந்த ஆண்டு பாஸ்மதி அல்லாத வெள்ளை அரிசி ஏற்றுமதிக்கு இந்தியா தடைவிதித்துள்ளது. இதனால் அண்டை நாடான பாகிஸ்தானின் அரிசி ஏற்றுமதி 2023 மற்றும் 2024 நிதியாண்டில் 5 மில்லியன் மெட்ரிக் டன்களாக அதிகரிக்கும் என்றே நம்பப்படுகிறது.
9.5 மில்லியன் மெட்ரிக் டன்
கடந்த ஆண்டில் மட்டும் பாகிஸ்தான் 3.7 மில்லியன் மெட்ரிக் டன் அரிசியை ஏற்றுமதி செய்துள்ளது. மேலும், 5.2 மில்லியன் மெட்ரிக் டன்களாக அதிகரிக்க வாய்ப்புள்ளதாகவும் துறை சார்ந்த நிபுணர்கள் சிலர் கருதுகின்றனர்.
@pti
2023 மற்றும் 2024ல் பாகிஸ்தான் 9 முதல் 9.5 மில்லியன் மெட்ரிக் டன் அளவுக்கு அரிசி உற்பத்தி செய்யலாம் என்று நம்பப்படுகிறது. ஓராண்டுக்கு முன்னர் பெருவெள்ளம் காரணமாக அரிசி உற்பத்தி 5.5 மில்லியன் மெட்ரிக் டன் அளவுக்கு சரிவடைந்தது.
கடந்த டிசம்பர் மாதத்தில் மட்டும் பாகிஸ்தான் 700,000 டன் வெள்ளை அரிசியை ஏற்றுமதி செய்துள்ளது. இந்த ஆண்டு பாஸ்மதி அரிசி ஏற்றுமதி 60 சதவிகிதம் அதிகரித்து 950,000 டன்களாக உயர வாய்ப்புள்ளதாக கூறுகின்றனர்.
வெள்ளை அரிசி 36 சதவிகிதம் அதிகரித்து 4.25 மில்லியன் மெட்ரிக் டன் என அதிகரிக்கவும் வாய்ப்பிருப்பதாக தெரிவிக்கின்றனர். அரிசி ஏற்றுமதியூடாக 3 பில்லியன் அமெரிக்க டொலருக்கும் அதிக வருவாயை பாகிஸ்தான் ஈட்டும் என்றே நம்பப்படுகிறது.
காலாகாலமாக பாகிஸ்தானை விட குறைந்த விலையில் பாஸ்மதி அல்லாத வெள்ளை அரிசியை இந்தியா ஏற்றுமதி செய்து வந்துள்ளது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 10ம் வட்டாரம், Toronto, Canada, பேர்ண், Switzerland
06 Nov, 2023
புங்குடுதீவு 2ம் வட்டாரம், புங்குடுதீவு குறிகட்டுவான், கனடா, Canada
03 Nov, 2013
