லங்காசிறி FM
நிதி நெருக்கடியை சமாளிக்க புதிய யுக்தி.! அமெரிக்க ஆயுதங்களை உக்ரைனுக்கு திருப்பி விட்டு லாபம் ஈட்டும் பாகிஸ்தான்
அமெரிக்காவிடம் இருந்து வாங்கப்பட்ட ராணுவ தளவாடங்களை உக்ரைனுக்கு விற்பனை செய்து பாகிஸ்தான் பெரும் லாபம் ஈட்டி வருவதாக தகவல் வெளியாகியுள்ளது.
இரண்டு அமெரிக்க நிறுவனங்களிடமிருந்து வாங்கப்பட்ட வெடிமருந்துகளை உக்ரைனுக்கு வழங்குவதன் மூலம் இஸ்லாமாபாத் அமெரிக்காவுடனான ஆயுத ஒப்பந்தங்களில் லாபம் ஈட்டுவதாக பிபிசி தெரிவித்துள்ளது.
பொருளாதார நெருக்கடிக்கு மத்தியில் இவ்வாறு ஆயுத விற்பனையின் மூலம் பாகிஸ்தான் பெரும் லாபம் ஈட்டி வருகிறது. குளோபல் மிலிட்டரி மற்றும் நார்த்ரோப் க்ரம்மன் போன்ற அமெரிக்க நிறுவனங்களுடனான ஆயுத ஒப்பந்தங்கள் மூலம் 2022-ஆம் ஆண்டில் பாகிஸ்தான் 364 மில்லியன் டொலர் சம்பாதித்ததாக பிபிசி உருதுவின் அறிக்கை கூறுகிறது.
ஆனால், உக்ரைன்-ரஷ்யா போரில் வெளிப்படையாக பாகிஸ்தான் தனது 'நடுநிலையை' கடைப்பிடித்து வருகிறது.
புலனாய்வு நிறுவனமான தி இன்டர்செப்ட்டின் அறிக்கை, சர்வதேச நாணய நிதியத்திடம் இருந்து பணத்திற்கு ஈடாக, போரில் தனது பக்கம் இருக்க அமெரிக்காவின் அழுத்தத்திற்கு உள்ளாகியுள்ளதாக பாகிஸ்தான் கூறியுள்ளது.
பாங்க் ஆஃப் பாகிஸ்தானின் தரவுகளின்படி, 2022-23 நிதியாண்டில் பாகிஸ்தானின் ஆயுத ஏற்றுமதி 3000 சதவீதம் அதிகரித்துள்ளது என்று பிபிசி உருது தெரிவித்துள்ளது.
2021-22ல் 13 மில்லியன் டொலர் மதிப்புள்ள ஆயுதங்களை பாகிஸ்தான் ஏற்றுமதி செய்துள்ளது. 2022-23 ஆம் ஆண்டில், இந்த ஏற்றுமதி 415 மில்லியன் டொலர்களை எட்டும் என்று அறிக்கை கூறுகிறது.
ராவல்பிண்டியில் உள்ள பாகிஸ்தான் விமானப்படை தளமான நூர் கானில் இருந்து பிரித்தானிய ராணுவத்திற்கு பறந்த விமானங்களுடன் வெடிமருந்துகளும் கொண்டு செல்லப்பட்டன. பாகிஸ்தானில் இருந்து உக்ரைனுக்கு இந்த வெடிமருந்துகளை கொண்டு செல்ல சரக்கு விமானங்களை வழங்கியதால், பிரித்தானிய ராணுவமும் இந்த நடவடிக்கைகளில் ஈடுபட்டதாக பிபிசி உருதுவின் அறிக்கை மேலும் கூறியது.
பாகிஸ்தான் தனது 155 மிமீ குண்டுகளை உக்ரைனுக்கு விற்பதற்காக குளோபல் மிலிட்டரி மற்றும் நார்த்ரோப் க்ரம்மன் ஆகிய நிறுவனங்களுடன் ஆகஸ்ட் 2022-ல் இரண்டு ஒப்பந்தங்களில் கையெழுத்திட்டதாக கூறப்படுகிறது. பாகிஸ்தான் ஜனநாயக இயக்கம் (PDM) ஆட்சியில் இருந்தபோது இந்த ஒப்பந்தங்கள் செய்யப்பட்டதாக கூறப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
pakistan secret arms deals to ukraine, United States of America Pakistan Ukraine Weapon dealing
கொய்யாத்தோட்டம், யாழ்ப்பாணம், வவுனியா
01 Feb, 2015
வேலணை, Ottawa, Canada, Torcy, France, Val-d'Arc, France
30 Jan, 2022
இளவாலை, யாழ்ப்பாணம், Tororo, Uganda, Cambridge, United Kingdom, London, United Kingdom
17 Jan, 2025
சுதுமலை, மருதனாமடம், வவுனியா, கொழும்பு, Harrow, United Kingdom, Coventry, United Kingdom
22 Jan, 2025
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
நயினாதீவு, நெதர்லாந்து, Netherlands, பிரித்தானியா, United Kingdom
25 Jan, 2021
