10,000 துருப்புகளை ரஷ்யாவுக்கு அனுப்பிய வடகொரியா: பென்டகன் செய்தி தொடர்பாளர்

உக்ரைனுக்கு எதிராக சண்டையிட வடகொரியா 10,000 வீரர்களை ரஷ்யாவுக்கு அனுப்பியுள்ளதாக பென்டகன் தெரிவித்துள்ளது. 

ரஷ்யாவில் முகாமிட்ட வீரர்கள்

2022ஆம் ஆண்டு முதல் ரஷ்யா-உக்ரைன் போர் நடந்து வருகிறது. இந்தப் போரில் உக்ரைனுக்கு ஆதரவாக நேட்டோ நாடுகள் உதவி வருகின்றன. அதேபோல் வடகொரியா ரஷ்யாவுக்கு ஆதரவு அளித்து வருகிறது.

உக்ரைன் போரில் வடகொரிய வீரர்களை ரஷ்யா ஈடுபடுத்தி வருவதாக தென்கொரியா செய்தி வெளியிட்டது. ஆனால், மாஸ்கோ அதற்கு மறுப்பு தெரிவித்தது. 

எனினும், உக்ரைன் வீரர்களின் ஊடுருவலை முறியடிக்க ரஷ்யா போராடி வரும் குர்ஸ்க் பகுதியில், வடகொரிய படை வீரர்களில் சிலர் ஏற்கனவே ரஷ்யாவில் முகாமிட்டுள்ளனர் என்று நேட்டோ கூறியுள்ளது.

10,000 வடகொரியா வீரர்கள்

இந்த நிலையில் ரஷ்ய படைகளுக்கு ஆதரவாக 10,000 வீரர்களை வடகொரியா அனுப்பியுள்ளதாக அமெரிக்கா தெரிவித்துள்ளார். 

இதுதொடர்பாக அமெரிக்க ராணுவ தலைமையகமான பென்டகன் செய்தித் தொடர்பாளர் சப்ரினா சிங் கூறுகையில்,

"அடுத்த சில வாரங்களுக்குள் உக்ரைனில் போர்ப் பயிற்சி மற்றும் போரில் ஈடுபடுவதற்காக வடகொரியா சுமார் 10,000 துருப்புகளை ரஷ்யாவிற்கு அனுப்பியுள்ளது. அந்த வீரர்களில் சிலர் ஏற்கனவே உக்ரைனை நெருங்கியுள்ளனர்.

ரஷ்யாவின் குர்ஸ்க் பகுதியில் உக்ரைன் படைகளுக்கு எதிரான போரில் இந்த வீரர்களை பயன்படுத்த ரஷ்யா உத்தேசித்திருப்பதாக நாங்கள் அதிகம் கவலைப்படுகிறோம். 

ஆக்ஸ்போர்டு பல்கலைக்கழகத்தில் PhD படிப்பு: தமிழக மாணவி அடைந்த ஏமாற்றம்!

வடகொரியாவின் வீரர்கள் போர்க்களத்தில் பயன்படுத்தப்பட்டால், அவர்களும் தாக்குதல் இலக்குகளாக கருதப்படுவார்கள். ஆனால், அவர்களை போரில் பயன்படுத்துவது இந்தோ-பசிபிக் பாதுகாப்பிலும் கடுமையான தாக்கங்களை ஏற்படுத்தும் என்று எங்கள் ராணுவ அமைச்சர் லாயிட் ஆஸ்டின் ஏற்கனவே பகிரங்கமாக எச்சரித்துள்ளார்" என தெரிவித்துள்ளார்.