லங்காசிறி FM
ஒரேயொரு காரணம்... 2099 ஆம் ஆண்டுக்குள்: நடுங்க வைக்கும் புதிய ஆய்வறிக்கை
2099 ஆம் ஆண்டு இறுதிக்குள் ஐரோப்பாவில் காலநிலை மாற்றத்தால் எத்தனை பேர் கொல்லப்படுவார்கள் என்று பயங்கரமான புதிய ஆய்வறிக்கை ஒன்று வெளியாகியுள்ளது.
உண்மையான இறப்பு விகிதம்
லண்டன் பல்கலைக்கழகத்தின் LSHTM என்ற அமைப்பில் செயல்படும் விஞ்ஞானிகள், 2015 மற்றும் 2099 க்கு இடையில் 5.8 மில்லியன் ஐரோப்பியர்கள் அதிகப்படியான வெப்பத்தால் இறந்துவிடுவார்கள் என்று மதிப்பிட்டுள்ளனர்.
ஆனால், காட்டுத்தீ மற்றும் வெப்பமண்டல புயல்கள் போன்ற காலநிலை மாற்றத்தால் ஏற்படும் பேரழிவு தரும் வானிலை நிகழ்வுகளுடன் தொடர்புடைய இறப்புகளை இந்த ஆய்வு உள்ளடக்கவில்லை, எனவே உண்மையான இறப்பு விகிதம் அதிகமாக இருக்க வாய்ப்புள்ளது என்றே அஞ்சப்படுகிறது.
மட்டுமின்றி, இந்த ஆய்வின் பின்னணியில் உள்ள விஞ்ஞானிகள், குளிர் காலநிலை தொடர்பான இறப்புகளின் வீழ்ச்சி வெப்பத்தின் அதிகரிப்பால் அதிகமாக இருக்கும் என்று குறிப்பிட்டுள்ளனர்.
குறிப்பாக வெப்ப அலை தொடர்பான இறப்புகள் அதிகம் உள்ள நகரமாக பார்சிலோனா இருக்கும் என்று எதிர்பார்க்கப்படுகிறது, அதைத் தொடர்ந்து ரோம், நேபிள்ஸ் மற்றும் மாட்ரிட் ஆகிய நகரங்களில் இறப்பு அதிகமாக பதிவாகும்.
இந்த ஆய்வுகளை முன்னெடுத்துள்ள விஞ்ஞானிகளில் முதன்மையான Dr Pierre Masselot தெரிவிக்கையில், காலநிலை மாற்றத்தைக் குறைத்தல் மற்றும் அதிகரித்த வெப்பத்திற்கு ஏற்ப தகவமைப்பு ஆகிய இரண்டையும் தீவிரமாகப் பின்பற்ற வேண்டியதன் அவசரத் தேவையை எங்கள் முடிவுகள் வலியுறுத்துகின்றன என்றார்.
மேலும், மத்தியதரைக் கடல் பகுதியில் கவனம் செலுத்த வேண்டியது மிகவும் அவசியம் என குறிப்பிட்டுள்ள அவர், அங்கு எதுவும் செய்யப்படாவிட்டால், விளைவுகள் மோசமாக இருக்கலாம் என்றார்.
தெற்கு ஐரோப்பிய நாடுகள்
மட்டுமின்றி, போதுமான முன்னெச்சரிக்கை நடவடிக்கைகளால், இந்த நூற்றாண்டின் இறுதிக்குள் மில்லியன் கணக்கான இறப்புகளைத் தவிர்க்கலாம் என்றும் Dr Pierre Masselot குறிப்பிட்டுள்ளார்.
ஆய்வின் ஒரு பகுதியாக, 2015 மற்றும் 2099 க்கு இடையில் 854 ஐரோப்பிய நகரங்களில் எதிர்கால வெப்பம் தொடர்பான இறப்புகளைக் கணிக்க, டாக்டர் மாஸ்ஸலோட் மற்றும் அவரது சகாக்கள் வெப்பநிலை மற்றும் இறப்புத் தரவுகளை பகுப்பாய்வு செய்தனர்.
அதில், அதிக greenhouse வாயு வெளியேற்றம் இருந்து, வெப்பத்திற்கு ஏற்ப மாறாவிட்டால், ஐரோப்பாவில் மொத்தம் 5,825,746 அதிகப்படியான இறப்புகள் ஏற்படும் என கண்டறிந்துள்ளனர்.
இருப்பினும், கடும் குளிரால் ஏற்படும் என கணிக்கப்பட்டுள்ள 3,480,336 இறப்புகள் தவிர்க்கப்படும், இதனால் 2099 ஆம் ஆண்டுக்குள் ஐரோப்பாவில் ஒட்டுமொத்த நிகர இறப்பு எண்ணிக்கை என்பது 2,345,410 என இருக்கும்.
இதில் மிக மோசமாக கடும் வெப்பத்தால் பாதிக்கப்படும் பகுதி என்பது மத்திய தரைக்கடல் பகுதி மற்றும் பால்கன் போன்ற தெற்கு ஐரோப்பிய நாடுகள் என்றே ஆய்வில் உறுதி செய்யப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
சுதுமலை, மருதனாமடம், வவுனியா, கொழும்பு, Harrow, United Kingdom, Coventry, United Kingdom
22 Jan, 2025
இளவாலை, யாழ்ப்பாணம், Tororo, Uganda, Cambridge, United Kingdom, London, United Kingdom
17 Jan, 2025
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
நயினாதீவு, நெதர்லாந்து, Netherlands, பிரித்தானியா, United Kingdom
25 Jan, 2021
