லங்காசிறி FM
PepsiCo தயாரிப்புகளை புறக்கணிக்கும் ஐரோப்பிய நாடுகளின் பல்பொருள் அங்காடிகள்: வெளியான காரணம்
உலகளாவிய பல்பொருள் அங்காடி குழுமமான Carrefour பிரான்ஸ், பெல்ஜியம், ஸ்பெயின் மற்றும் இத்தாலியில் உள்ள அதன் அங்காடிகளில் PepsiCo தயாரிப்புகளை விற்பனை செய்வதை நிறுத்துவதாக அறிவித்துள்ளது பரபரப்பை ஏற்படுத்தியுள்ளது.
விலை அதிகரிப்பே இதற்கு காரணம்
PepsiCo தயாரிப்புகளான Lay’s potato chips, Quaker Oats, Lipton tea மற்றும் Pepsi சோடா ஆகியவற்றின் விலை அதிகரிப்பே இதற்கு காரணம் என்றும் கூறப்படுகிறது.
@reuters
பிரஞ்சு மளிகைப்பொருள் விநியோக நிறுவனமான Carrefour வியாழக்கிழமை இந்த முடிவுக்கு வந்துள்ளதுடன், ஏற்றுக்கொள்ள முடியாத விலை உயர்வு காரணமாக இனி PepsiCo தயாரிப்புகளை விற்பனை செய்வதாக இல்லை என்றும் தங்கள் அங்காடிகளில் குறிப்பிட்டுள்ளது.
பிரான்ஸ் மட்டுமின்றி, இதே முடிவை தங்களது பெல்ஜியம், ஸ்பெயின் மற்றும் இத்தாலியில் உள்ள அங்காடிகளிலும் பின்பற்ற முடிவு செய்துள்ளது. 30க்கும் மேற்பட்ட நாடுகளில் சுமார் 12,225 அங்காடிகளை நடத்திவரும் Carrefour நிறுவனம், பெல்ஜியம், ஸ்பெயின் மற்றும் இத்தாலியில் எப்போது முதல் PepsiCo தயாரிப்புகளுக்கு தடைவிதிக்க உள்ளது என்பது தொடர்பில் விளக்கமளிக்கவில்லை.
இதனிடையே, இந்த விவகாரம் தொடர்பில் Carrefour நிறுவனத்துடன் தொடர்ந்து விவாதித்து வருவதாகவும், சாதகமான முடிவை எட்டுவோம் என்று நம்புவதாகவும் PepsiCo அறிக்கை ஒன்றில் குறிப்பிட்டுள்ளது.
உக்ரைன் மீதான படையெடுப்பு
இந்த நிலையில், Cheetos, Mountain Dew மற்றும் Rice-A-Roni தயாரிப்புகளுக்கு கடந்த 7 காலாண்டுகளாக PepsiCo விலையை உயர்த்தி வந்துள்ளதகவும், மிக சமீபத்தில் ஜூலை - செப்டம்பர் காலகட்டத்தில் 11 சதவிகிதம் விலை உயர்வை பதிவு செய்துள்ளதாகவும் கூறப்படுகிறது.
@ap
இதனால் மக்கள் மலிவாக விற்பனை செய்யும் கடைகளை நாடத்தொடங்கியுள்ளனர். குளிர்பானங்கள் மற்றும் உணவு வகைகளுக்கான விலை உயர்வு 17.5 சதவிகிதமாக இருந்த நிலையில் இருந்து பெருமளவு குறைந்திருந்தாலும், யூரோ நாணய பயன்பாடு கொண்ட 20 நாடுகளில் தற்போது 6.9 சதவிகிதமாகவே விலைவாசி உயர்வு உள்ளது.
ஆனால் தானியங்கள் மற்றும் சமையல் எண்ணெய்க்கான விலைகள் உயர்ந்து வருவதை பெப்சிகோ சுட்டிக்காட்டியுள்ளது. இதற்கு முதன்மை காரணமாக ரஷ்யாவின் உக்ரைன் மீதான படையெடுப்பு என்றே கூறப்படுகிறது. இருப்பினும் 2022ஐ ஒப்பிடுகையில் தானியங்களின் விலை தற்போது பெருமளவு சரிவடைந்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 3ம் வட்டாரம், யாழ்ப்பாணம், நீர்கொழும்பு, பிரான்ஸ், France
16 Dec, 2016
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
நயினாதீவு 5ம் வட்டாரம், நயினாதீவு 2ம் வட்டாரம், கோண்டாவில், Toronto, Canada, Montreal, Canada, London, United Kingdom
04 Dec, 2025
மன்னார், கொழும்பு, யாழ்ப்பாணம், மிருசுவில், கனடா, Canada
14 Dec, 2020
