லங்காசிறி FM
நாங்களும் இராணுவத்தைக் களமிறக்குவோம்... ஜப்பான் பிரதமர் பேச்சுக்கு கொந்தளித்த சீனா
தைவான் விவகாரத்தில் ஜப்பானும் இராணுவத்தைக் களமிறக்கக் கூடும் என பிரதமரின் கருத்துக்கு சீனா கோபத்துடன் பதிலளித்துள்ளது.
ஆதரவளிக்கும்
தைவான் மீதான தாக்குதல், ஜப்பானுக்கு இருத்தலியல் அச்சுறுத்தலை ஏற்படுத்துமானால், தனது நாட்டின் இராணுவத்தைக் களமிறக்கும் நிலை வரும் என ஜப்பானின் புதிய பிரதமர் சானே தகைச்சி தெரிவித்திருந்தார்.
இதனையடுத்தே, சீனா கோபத்துடன் பதிலளித்துள்ளது. தற்காப்புக்கு என ஜப்பான் தமது இராணுவத்தைக் களமிறக்கும் அல்லது நட்பு நாட்டுக்கு ஆதரவளிக்கும் வகையில் செயல்படும் என பிரதமர் சானே தகைச்சி நாடாளுமன்றக் குழுவில் தெரிவித்துள்ளார்.
தைவானைக் கைப்பற்ற இராணுவத்தைக் களமிறக்கவும் சீனா தயாராக உள்ளது. இந்த நிலையிலேயே ஜப்பான் பிரதமரின் கருத்துக்கு பதிலளித்த ஒசாகாவில் உள்ள சீன உயர் ஸ்தானிகர் சூ ஜியான்,
எங்கள் மீது வீசப்பட்ட அந்த அழுக்கு கழுத்தை எந்த தயக்கமும் இல்லாமல் வெட்டுவதைத் தவிர வேறு வழியில்லை. நீங்கள் தயாரா? என சமூக ஊடகத்தில் பதிவிட்டுள்ளார்.
ஆனால் ஜப்பான் அதிகாரிகளால் கண்டனம் தெரிவித்ததை அடுத்து, சூ ஜியான் குறித்த பதிவை நீக்கியுள்ளார். ஆனால் சீனா தொடர்பில், தைவான் விவகாரத்தில் தமது கருத்தில் உறுதியாக இருப்பதாகவே பிரதமர் சானே தகைச்சி தெரிவித்துள்ளார்.
இருப்பினும், பாதுகாப்பு சம்பந்தப்பட்ட குறிப்பிட்ட சூழ்நிலைகளைக் குறிப்பிடும்போது எச்சரிக்கையாக இருப்பேன் என்று நாடாளுமன்ற உறுப்பினர்களிடம் அவர் கூறியுள்ளார்.
அரசியலமைப்பு
சீனாவிற்கும் தைவானுக்கும் இடையிலான மோதலை எவ்வாறு எதிர்கொள்வது என்ற கேள்வியுடன் ஜப்பான் நீண்ட காலமாக மல்யுத்தம் செய்து வருகிறது.
தைவான் கிழக்கு சீனக் கடலில் ஜப்பானின் மேற்குத் திசையில் உள்ள யோனகுனி தீவிலிருந்து வெறும் 100 கி.மீ தொலைவில் அமைந்துள்ளது.
உண்மையில் ஜப்பானின் போருக்குப் பிந்தைய அரசியலமைப்பு விதிகள், சர்வதேச மோதல்களைத் தீர்ப்பதற்கான ஒரு வழிமுறையாக இராணுவத்தைப் பயன்படுத்துவதைத் தடைசெய்கிறது.
மேலும், ஜப்பான் நேரடியாக தாக்குதலுக்கு உள்ளாகாவிட்டாலும் கூட, சில சூழ்நிலைகளில் கூட்டு தற்காப்பைப் பயன்படுத்த அனுமதிக்கிறது என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
யாழ்ப்பாணம், கொழும்பு, கன்பெறா, Australia, சிட்னி, Australia
11 Nov, 2025
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
