12 ஆண்டுகளாக ஷாருக்கானின் தொழிலை நிர்வகிக்கும் பெண் - அவருடைய மாத சம்பளம்?

Shah Rukh Khan

By Kirthiga Apr 20, 2024 03:24 AM GMT

Kirthiga

in வணிகம்

Report

உலகின் மிகப்பெரிய மற்றும் பணக்கார திரைப்பட நடிகர்களில் ஒருவராக நடிகர் ஷாருக்கான் இருக்கிறார். இவருடைய தொழிலை நிர்வகிக்கும் பெண்ணின் சொத்து மதிப்பு குறித்த தகவல்கள் வெளியாகியுள்ளன.

பூஜா தத்லானி யார்?

பூஜா தத்லானி மும்பையில் பிறந்து வளர்ந்தவர். 2012 இல், அவர் ஷாருக்கானையும் அவரது தயாரிப்பு நிறுவனமான ரெட் சில்லிஸ் என்டர்டெயின்மென்ட்டையும் (Red Chillies Entertainment) நிர்வகிக்கத் தொடங்கினார்.

12 ஆண்டுகளாக ஷாருக்கானின் தொழிலை நிர்வகிக்கும் பெண் - அவருடைய மாத சம்பளம்? | Pooja Dadlani Salary Manage Shahrukh Khan Business

பத்தாண்டுகளுக்கும் மேலாக ஷாருக்கின் நம்பிக்கைக்குரியவராக இந்த வேலையில் இருந்து வருகிறார்.

அதுமட்டுடல்லாமல் இந்தியன் பிரீமியர் லீக்கின் கொல்கத்தா நைட் ரைடர்ஸ் உள்ளிட்ட அவரது வணிகங்களின் செயல்பாடுகளை இவரே நிர்வகித்து வருகிறார்.

இவர் ஷாருக்கின் குடும்பத்துடன் நெருங்கி பழகி வருகிறார் எனலாம். 2021 ஆம் ஆண்டில் கப்பல் போதைப்பொருள் வழக்கில் அவரது மகன் ஆர்யன் கான் கைது செய்யப்பட்டபோது நடிகரின் குடும்பத்திற்கு பெரும் ஆதரவாக இவரே இருந்துள்ளார்.

இந்நிலையில் இவருடைய மாதசம்பளமும் நிகர சொத்து மதிப்பும் இணையத்தில் வெளியாகியுள்ளன.

அவருடைய ஆண்டு சம்பளம்?

அறிக்கைகளின்படி, ஷாருக்கின் வணிக மேலாளராக பணியாற்றியதற்காக பூஜா ஆண்டுக்கு ரூ.7 முதல் 9 கோடி வரை சம்பாதிக்கிறார் என்பது தெரியவந்துள்ளது.

மேலும் இவருடைய நிகர மதிப்பு சுமார் ரூ. 50 கோடி இருக்கும் எனவும் கூறப்படுகிறது. இவருக்கு மும்பையில் பாந்த்ராவில் அரண்மனை போன்ற வீடு ஒன்றும் இருக்கிறது. இந்த வீட்டின் உட்புறங்களை ஷாருக்கின் மனைவி கௌரி கான் வடிவமைத்துள்ளமை குறிப்பிடத்தக்கது.