லங்காசிறி FM
ரூ.777 கோடியில் உருவான சுரங்கப்பாதை.., பொதுமக்கள் பயன்படுத்த முடியாது என மூடும் நிலை
ரூ.777 கோடி செலவில் கட்டப்பட்ட பிரகதி மைதானம் சுரங்கப்பாதையை பழுது பார்க்க முடியாது என அதிகாரிகள் கூறியதாக தகவல் வெளியாகியுள்ளது.
ரூ.777 கோடி செலவில் சுரங்கப்பாதை
இந்திய தலைநகரான டெல்லியில் கடந்த 2022 -ம் ஆண்டு ஜுன் மாதம், ரூ.777 கோடி செலவில் கட்டப்பட்ட பிரகதி மைதானம் சுரங்கப்பாதையை இந்திய பிரதமர் நரேந்திர மோடி திறந்து வைத்தார்.
1.4 கிலோமீட்டர் தொலைவில் உள்ள இந்த சாலை, டெல்லியின் கிழக்கு பகுதிகள் மற்றும் சேட்டிலைட் சிட்டிகளான நொய்டா, காசியாபாத் ஆகியவற்றை இணைக்கும் வகையில் உள்ளது. குறிப்பாக, நவீன காற்றோட்டம், தானியங்கி வடிகால் மற்றும் சிசிடிவி கேமராக்கள் என உலக தரத்தில் சாலை கட்டப்பட்டது.
மழையால் பாதிப்பு
இந்நிலையில், மழை நீர் தேங்கியதன் காரணமாக இந்த சுரங்கப்பாதை பலமுறை மூடப்பட்டது. மேலும், மழை நீர் தேங்கியதால் பல நாட்கள் சுரங்கப்பாதை பயன்படுத்தப்படாமே இருந்தது. இதனால், நீர் கசிவு, விரிசல் என பல காரணங்களால் ஆபத்தான சாலையாக மாறியுள்ளது.
இந்த சுரங்க பாதைக்கு ஆயுட்காலம் 100 ஆண்டுகள் என கட்டுமான நிறுவனம் கூறிய நிலையில், 2 ஆண்டுகளுக்குள் சேதமடைந்து விட்டது.
அதிகாரிகள் கூறியது..
இந்த சுரங்கப்பாதையில் டெல்லி பொதுப்பணித்துறை அதிகாரிகள் ஆய்வு மேற்கொண்டனர். அப்போது பேசிய அவர்கள், "பல சுரங்கப்பாதைகளில் நீர் கசிவு சிறிதளவு இருக்கும். ஆனால், இங்குள்ள கசிவை கட்டுமான நிறுவனம் சரிசெய்யவில்லை.
இதனால், பெரிய விரிசல்கள் ஏற்பட்டிருக்கிறது. இப்போது முழுமையான மறுசீரமைப்பு தேவைப்படுகிறது. பயணிகளுக்கு பாதுகாப்பானது அல்ல. பழுது பார்த்தும் பயனிலை" என்றனர்.
கட்டுமான நிறுவனத்திற்கு நோட்டீஸ்
இதனைத்தொடர்ந்து சுரங்க பாதையில் கட்டுமான நிறுவனமான எல்&டி நிறுவனத்திற்கு டெல்லி பொதுப்பணித்துறை நோட்டீஸ் அனுப்பியுள்ளது. அதில், " உரிய முறையில் மேற்கொள்ளப்படாத காரணத்தால் பிரகதி மைதான சுரங்கச் சாலை சேதமடைந்துள்ளது. இதற்கு 15 நாட்களுக்குள் பதிலளிக்க வேண்டும்" என்று கூறியது.
இதற்கு, அவதூறு கருத்துகளை நிறுவனம் மீது பரப்புவதாக, 500 கோடி நஷ்ட ஈடு கேட்டு எல்&டி நிறுவனம் டெல்லி பொதுப்பணித்துறைக்கு நோட்டீஸ் அனுப்பியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
அரியாலை, கொழும்பு, Georgetown, Guyana, Edgware, United Kingdom
17 Jun, 2025
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
கொழும்புத்துறை, Vaddukoddai, Reggio Emilia, Italy, Slough, United Kingdom
07 Jun, 2026