நீரிழப்பை தடுத்து உடலுக்கு ஆற்றலை கொடுக்கும் வேண்டுமா? இதை பின்பற்றினாலே போதும்!

பொதுவாக வெயிற்காலங்களில் அதிகம் சிறுவர்கள் முதல் பெரியவர்கள் வரை அனைவரையும் பாதிப்புக்கு ஆளாக்கும் ஒரு விடயம் தான் நீரிழப்பு.

இந்தசமயங்களில் உடலில் பல்வேறு பிரச்சினை ஏற்பட வாய்ப்புள்ளது. இதனை தவிர்க்க வேண்டுமாயின் உடலை நீரேற்றமாக வைத்து கொள்ளவதே நல்லது.

நீரிழப்பு வராமல் தடுக்க உடலில் போதுமான நீர்ச்சத்து இருப்பில் இருக்க வேண்டும் என்றாலும் அதற்கு உதவும் உணவு வகைகளையும் அவ்வபோது சேர்ப்பது நன்மை பயக்கும்.

அந்தவகையில் நீரிழப்பு வராமல் தடுக்க உதவும் உணவுகள் என்னென்ன என்பதை பார்ப்போம்.

1. வாழைப்பழங்கள் அதிக பொட்டாசியத்தை உள்ளடக்கி உள்ளது. இது நீரிழப்பை எதிர்த்து போராட உதவுகிறது. எனவே வியர்வை அதிகரிக்க செய்யும் அளவுக்கு அதிகமான வேலை செய்வதாக இருந்தால் அதற்கு முன்பு ஒன்று அல்லது இரண்டு வாழைப்பழங்களை எடுத்துகொள்ளலாம். இதன் மூலம் உடலில் நீரிழப்பு எதிர்த்து போராட உதவும்.
2. தண்ணீரில் ஒரு கப் பார்லி சேர்த்து 40 முதல் 50 நிமிடங்கள் வரை அடுப்பில் வைத்து கொதிக்கவிடவும். இதை இறக்கி ஆறவிட்டு குளிர்ச்சியடைய செய்து பிறகு எலுமிச்சை மற்றும் தேன் சேர்த்து கலந்து வைக்கவும். நாள் முழுக்க சீரான இடைவெளியில் இதை மூன்றூ முதல் நான்கு முறை வரை குடிக்கலாம்.
3. சூப்களில் பொட்டாசியம் போன்ற தாதுக்களின் உள்ளடக்கம் உடலில் இழந்த சத்துக்களை மீட்டெடுக்க உதவக்கூடும். நீரிழப்பை கட்டுப்படுத்த சூப்களை எடுத்துகொள்வதன் மூலம் நீரிழப்பு மூலம் இழந்த சத்துக்களை மீட்டெடுக்க முடியும்.
4. 4 கப் தண்ணீருடன் அரை டீஸ்பூன் உப்பு மற்றும் 6 டீஸ்பூன் சர்க்கரை சேர்த்து அவை முழுமையாக கரையும் வரை நன்றாக கலக்கி எடுக்கவும். உங்கள் தாகம் அதிகமாக இருக்கும் நேரம் தண்ணீர் குடித்தும் தாகம் அடங்காத நிலையில் இதை குடிக்கலாம். அதே போன்று நாள் ஒன்றுக்கு மூன்று லிட்டர் வரை தண்ணீர் குடிப்பது அவசியம்.
5. ஒரு டம்ளர் நீரில் அரைப்பழத்தின் சாறை பிழிந்து தேன் சேர்த்து தினமும் ஒருவேளையாவது குடித்து வருவது நல்லது. இதை இரண்டு அல்லது மூன்று டம்ளர் வரை குடிக்கலாம். எலுமிச்சை நீர் உடலில் இருக்கும் பொட்டாசியம், சோடியம் மற்றும் மெக்னீசியம் அளவை மீட்டெடுத்து நீரிழப்பை தடுக்க உதவுகிறது.
6. மோர் போன்று தயிரும் உடலுக்கு நன்மை செய்யக்கூடியவை. தினமும் ஒரு கப் தயிரில் சிட்டிகை உப்பு கலந்து நன்றாக கலக்கிவிடவும். தினமும் ஒரு கப் தயிர் சாப்பிடுவதன் மூலம் உடலில் நீரிழப்பு ஏற்படாமல் தடுக்கலாம்.
7. உடலில் சோடியம் மற்றும் நீரின் சமநிலையை பராமரிக்க இயற்கையான திறன் உண்டு. அதனால் உணவில் உப்பு போதுமான அளவு ( குறைவாக இல்லாமல்) சேர்ப்பது நல்லது. உடல் சோடியம் நீர் சமநிலை பெற உப்பு உதவும். இது உடல் நீரிழப்பை தடுக்க செய்யும்.
8. வெயிலுக்கு ஏற்ற பானங்களாக ஸ்ட்ராபெர்ரி தர்பூசணி, ஆரஞ்சு போன்றவற்றுக்கு இடையில் க்ரான் பெர்ரி பழங்களை சாறாக்கி எடுத்துகொள்வதும் பலன் அளிக்கும். தினமும் ஒரு டம்ளர் அளவு இந்த க்ரான் பெர்ரி என்னும் குருதி நெல்லி சாறு நீரிழப்பை கட்டுக்குள் வைக்கும்.
9. க்ரான் பெர்ரி பழச்சாறில் அதிக நீர் உள்ளடக்கம் உள்ளது. இயற்கையாகவே நீரிழப்புக்கு சிகிச்சை அளிக்க உதவுகிறது. உடல் நீரிழப்பு பிரச்சனையை சந்திக்கும் போது இதில் இருக்கும் சர்க்கரை மற்றும் உப்பு அதை ஈடு செய்ய உதவும்.