நான் சோர்வாக இருக்கிறேன்..! மன்னர் முடிசூட்டு விழாவில் இளவரசர் ஹரி வருத்தம்

மன்னர் சார்லஸின் முடிசூட்டு விழாவில் கலந்து கொண்ட இளவரசர் ஹரி, தான் வருத்தமுடன் இருப்பதாக அரட்டை ஒன்றில் ஒப்புக் கொண்டுள்ளார்.

லண்டன் வந்த இளவரசர் ஹரி

பிரித்தானிய மன்னராக மூன்றாம் சார்லஸ் நேற்று முடிசூட்டிக் கொண்ட நிலையில், அரச குடும்பம் தொடர்பான பல்வேறு சர்ச்சைகளை ஏற்படுத்திய இளவரசர் ஹரியும் இந்த முடிசூட்டு விழாவில் கலந்து கொண்டார்.

அவரது மனைவி மேகன் மார்க்கல் அமெரிக்காவில் தங்கி விட்ட நிலையில், தனியாக லண்டன் வந்த இளவரசர் ஹரி முடிசூட்டு விழா நடைபெற்ற வெஸ்ட்மின்ஸ்டர் அபே-யில் தனியாக தோன்றினார்.

Daily Mirror/Andy Stenning

மூன்றாவது வரிசையில் இளவரசர் ஹரிக்கு இடம் ஒதுக்கப்பட்டு இருந்த நிலையில், அவர் இளவரசி யூஜெனியின் கணவர் ஜாக் ப்ரூக்ஸ்பேங்குடன் இருக்கையை பகிர்ந்து கொண்டு விருந்தினர்களை வரவேற்றார்.

இளவரசர் ஹரி கூறிய வார்த்தைகள்

அப்போது அருகருகே அமர்ந்து இருந்த ஜாக் ப்ரூக்ஸ்பேங்க் மற்றும் இளவரசர் ஹரி ஜோடி சிறிய அரட்டையில் ஈடுபட்டனர்.

இந்த அரட்டையை லிப் ரிடர் நிபுணர் ஒருவர்  டெய்லி ஸ்டார் பத்திரிகைக்கு பிரத்தியேகமாக வெளிப்படுத்தியுள்ளார்.

Prince Harry sits next to Jack Brooksbank, husband of Princess Eugenie, for his father's #coronation https://t.co/UjObJnhUV0 pic.twitter.com/fxQI57aSuX

— ITV News (@itvnews) May 6, 2023

அதில் ஜாக், ஏதோ சந்திப்புகள் குறித்து கேட்டதை தொடர்ந்து இளவரசர் ஹரி இது “மிகவும் வருத்தமாக இருக்கிறது, நான் மிகவும் சோர்வாக இருக்கிறேன், நான் அவருடன் பேச முயற்சித்தேன்” என்று  தெரிவித்துள்ளார்.

அத்துடன் ஜாக் இளவரசி மேகன் வருகை குறித்து கேட்ட போது, அவள் அங்கே(அமெரிக்காவில்) இருக்கிறாள் என்று பதிலளித்தார்.

இதற்கிடையில்  இரண்டாவது வரிசையில் ஒதுக்கப்பட்ட இருக்கும் இருக்கைக்கு சென்ற இளவரசி ஆனி சென்ற போது, அவரை நோக்கி இளவரசர் ஹரி நிமிர்ந்து பார்த்து புன்னகை செய்தார். 

Getty