லங்காசிறி FM
பொதுமக்களுடன் ரயிலில் பயணித்த இளவரசிகள்: எழுந்துள்ள விமர்சனம்
Kate Middleton and Princess Charlotte spotted on Elizabeth line: இளவரசி கேட்டும் அவரது மகளான சார்லட்டும் ரயிலில் பயணிக்கும் காட்சிகள் வெளியாகியுள்ளன.
பிரித்தானிய இளவரசியும் வருங்கால ராணியுமான கேட் மிடில்டனும் அவரது மகளான சார்லட்டும் கடந்த சனிக்கிழமையன்று பொதுமக்களுடன் ரயிலில் பயணித்துள்ளனர்.
அது தொடர்பில் கலவையான விமர்சனங்கள் எழுந்துள்ளன!
ரயிலில் பயணித்த இளவரசிகள்
சனிக்கிழமை எலிசபெத் லைன் என்னும் பாதையில் ரயிலில் பயணித்த பயணிகள், இளவரசி கேட்டும் அவரது மகளான சார்லட்டும் ரயிலில் பயணிக்கும் காட்சியைக் கண்டு வியப்படைந்தார்கள்.
அது ஒரு அரசு முறைப் பயணம் அல்ல, தாயும் மகளுமாக இணைந்து நேரம் செலவிடுவதற்காக அவர்கள் அந்த பயணத்தை மேற்கொண்டுள்ளார்கள்.
இளவரசர் வில்லியமும் அவரது மனைவியான கேட்டும், தங்கள் பிள்ளைகளும் சாதாரண மக்களைப் போல வாழவேண்டும் என்னும் விருப்பம் கொண்டவர்கள்.
இளவரசி டயானாவும் தன் மகன்களான வில்லியம் மற்றும் ஹரியை இதேபோல பொதுப்போக்குவரத்தில் அழைத்துச் சென்றதுண்டு.
ஆக, கேட்டும் அதேபோல தன் பிள்ளைகளுடன் பொதுப்போக்குவரத்தை பயன்படுத்துவதால் அதை பலரும் பாராட்டியுள்ளார்கள்.
அதே நேரத்தில், இது ஒரு ஸ்டண்ட் என்ற விமர்சனமும் எழுந்துள்ளது.
கேட்டும் மகளும் ரயில் பயணிக்கும் காட்சிகள் வெளியானதைத் தொடர்ந்து, சிலர், இது தங்களை சாதாரண மனிதர்கள் போல காட்டிக்கொள்வதற்காக ஒரு ஸ்டண்ட், சொல்லப்போனால், கேட், சாட்லட் அருகே அமர்ந்திருப்பவர்கள் கூட அவர்களுடைய பாதுகாவலர்களாகத்தான் இருப்பார்கள் என்னும் ரீதியில் விமர்சித்துள்ளார்கள்!
புங்குடுதீவு 3ம் வட்டாரம், London, United Kingdom
13 Oct, 2024
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
